ქუთაისში ძლიერი ქარის გამო საგანგებო სიტუაციების მართვის სამსახურში მოქალაქეთა ზარები არ წყდება. მოქალაქეები ავარიული შენობების დემონტაჟს ითხოვენ.

"ბოლო გამოძახება ლესელიძის ქუჩიდან მივიღეთ. ქალბატონს ავარიული აივანის დემონტაჟი სურდა, რადგან ფიქრობდა, რომ მწყობრიდან გამოსული აივანი ძლიერ ქარს ვერ გაუძლებდა და შეიძლება, ადამიანის სიცოცხლეს საფრთხე დამუქრებოდა.

ასევე რამდენიმე ადგილზე ხეები წაიქცა", - აცხადებენ სამსახურში. ქუთაისში მეორე დღეა, ძლიერი ქარია მან პარლამენტის შენობის მინებიც ჩაამსხვრია.