სტრატეგია აღმაშენებლის ლიდერი გიორგი ვაშაძე თვლის, რომ პატრიოტთა ალიანსის მიერ გამოქვეყნებული ბანერი ამტკიცებს, რომ ეს ძალა ქვეყნის ეროვნულ ინტერესებს ეწინააღმდეგება.

"პატრიოტთა ალიანსის საარჩევნო ბანერი კიდევ ერთი მტკიცებულებაა იმისა, რომ ეს ძალა უპირისპირდება ქვეყნის ეროვნულ ინტერესებს. მივმართავ ირაკლი კობახიძეს და დამსხვრეული ოცნებების პარტიას: ისინი შმატრიოტები კი არ არიან, როგორც თქვენ მათ დღეს უწოდეთ, არამედ ანტიდასავლური და ანტიეროვნული ძალა, რომელთანაც იმყოფებით ალიანსში წლებია. მოვითხოვთ, დაუყოვნებლივ აღძრათ სისხლის სამართლის საქმე აღნიშნულთან დაკავშირებით და დროულად გამოიძიოთ მათი კრემლთან კავშირები და ფინანსური წყაროები", — განაცხადა ვაშაძემ.