2008 წლის ნოემბერში პოლონეთის პრეზიდენტზე თავდასხმის ფაქტით, რომელიც ახალგორში მოხდა, პროკურატურა დაინტერესდება.

პარლამენტში საქართველოს პრემიერ-მინისტრობის კანდიდატის ირაკლი ღარიბაშვილის გამოსვლისას, უმრავლესობის წევრი გიორგი გაჩეჩილაძე დაინტერესდა, იძიებს თუ არა მთავარი პროკურატურა 2008 წლის ომის შემდე 23 ნოემბერს პოლონეთის პრეზიდენტზე თავდასმის ფაქტს, როცა საქართველოში ვიზიტით მყოფ კაჩინსკის ახალგორის რაიონში ცეცხლი გაუხსნეს. "პოლონურ პრესაში საუბარი იყო, პოლონეთის უშიშროების სამსახურის დასკვნის მიხედვით, საქართველოს ხელისუფლების მხრიდან დაგეგმლ პროვოკაციაზე საუბრობდნენ. თუ გაქვთ ინფორმაცია ამ პროვოკაციასთან დაკავშირებით, რომელიც ეხებოდა საქართველოს იმიჯს საერთაშორისო ასპარეზზე. დაიწყო თუ არა მაშინ გამოძიება, თუნდაც თავადასხმის ფაქტთან დაკავშირებით და თუ არა, ვაპირებ თუ არა ამ ფაქტის გამოძიებას“ - ჰკითხა გაჩეჩილაძემ ღარიბაშვილს.

ღარიბაშვილის განცხადებით ის აღნიშნულზე ინფორმაციას არ ფლობს.

"მე უბრალოდ არ ვიცი, არ მომიკითხავს და აუცილებლად მოვიკითხავ, დღეს მე დავავალებ პროკურატურას, რომ დაიწყონ ამ საკითხის გამოძიება და გარკვევა", - განაცხადა ღარიბაშვილმა.