"პატრიოტთა ალიანსის" გენერალურმა მდივანმა ირმა ინაშვილმა "დღის კურიერის" ეთერში თქვა, რომ ლოცვას დიდი ძალა აქვს, როგორც ყოველდღიურ ცხოვრებაში, ასევე პოლიტიკაშიც.

"ლოცვას ძალა პოლიტიკაშიც აქვს და ყოველდღიურ ცხოვრებაშიც, რადგან პოლიტიკა ეს ჩვენი ყოველდღიური ცხოვრების ნაწილია. ვინ რა იცის ეს ხატი, რომელიც აფხაზეთშია კიდევ რამდენ სასწაულს მოახდენს და მირონმდინარეც შეიძლება გახდეს. ჩვენ ვამბობთ, რომ აუცილებელია პირდაპირი დიალოგი დაიწყოს. დავაკვირდეთ რას ამბობს შამბა და ასლან ბჟანია, ისინიც იმავეს ამბობენ. პროცედურების გავლა ოკუპირებულ აფხაზეთში ჩასასვლელად აუცილებელი იყო? ვინმეს წარმოუდგენია მერე რამხელა დარტყმის ქვეშ აღმოვჩნდებოდი? კრემლს ამ პროცესში არავითარი დახმარება არ გაუწევია. დავით თარხან მოურავმა გუშინ თქვა, რომ აფხაზეთში ვიზიტისთვის მან რუსეთში მისი პირადი კონტაქტები გამოიყენა და არცერთ კონტექსტში არ ყოფილა კრემლი ნახსენები. კრემლი და რუსეთი ხომ ერთი და იგივე არ არის,"- განაცხადა ირმა ინაშვილმა.

შეგახსენებთ, ოკუპირებული აფხაზეთის ე.წ ეკლესია პატრიოტთა ალიანსის ნაჩუქარ ხატზე უარი თქვა და ის უკან დაუბრუნა.