ევროპული საქართველოს მაჟორიტარობის კანდიდატი საჩხერის, ჭიათურისა და ხარაგაულის ოლქში, სერგო რატიანი, ჭიათურის მუნიციპალიტეტში, სოფელ ითხვისის მოსახლეობას შეხვდა და ადგილობრივების პრობლემები მოისმინა.

სერგო რატიანის თქმით, როგორც ჭიათურის მუნიციპალიტეტში, ისე დასავლეთ საქართველოს სხვა სოფლებში, არის უამრავი პრობლემა, მათ შორის საგულისხმოა ინფრასტრუქტურული, სოციალური და ეკონომიკური პრობლემები. სერგო რატიანის თქმით, ხელისუფლებას მიტოვებული ყავს სოფლის მოსახლეობა, ხოლო საპარლამენტო არჩევნები არის იმედი ცვლილებებისა.

„ამ სოფლის მაცხოვრებლებს აწუხებთ ინფრასტრუქტურული პრობლემები. არის გზისა და წყლის პრობლემა. წინა არჩევნების დროს, ადგილობრივი ხელისუფლება დაპირდა მოსახლეობას, რომ აქ იქნებოდა წყალი, გააკეთეს მილები, თუმცა ამ მილებში წყალი არ არის. მოსახლეობას აქვს მძიმე სოციალური და ეკონომიკური მდგომარეობა, თუმცა ხელისუფლებას მიგდებული ჰყავს უპატრონოდ ეს ხალხი და არ აქცევს ყურადღებას. 31 ოქტომბერი, საპარლამენტო არჩევნების დღე არის იმედი, რომ ამ ადამიანების ცხოვრება შეიცვლება.“- განაცხადა სერგო რატიანმა.