ევროპული საქართველოს მაჟორიტარობის კანდიდატი ტყიბულის, თერჯოლის, ზესტაფონისა და ბაღდათის ოლქში, გიგი წერეთელი, საერთაშორისო დამკვირვებლების თემას ეხმიანება.

ევროპული საქართველოს ერთ-ერთი ლიდერის თქმით, უმნიშვნელოვანესია, რომ მოხდეს საერთაშორისო დამკვირვებლების ჩამოსვლა ამ არჩევნებზე, რათა არჩვენებს ლეგიტიმაცია მიეცეს და ყველანაირი დარღვევა მინიმუმამდე იყოს დაყვანილი.

გიგი წერეთლის თქმით, ხელისუფლებამ სწრაფად უნდა გადადგას ნაბიჯები, რათა მოხდეს საერთაშორისო დამკვირვებლების უპრობლემოდ შემოსვლა ქვეყანაში.

„საერთაშორისო დამკვირვებლების ჩამოსვლა ამ არჩევნებზე არის კრიტიკულად აუცილებელი და ძალიან მნიშვნელოვანი, რათა მოხდეს შედეგების შედეგების შეფასება, ლეგიტიმაცია და მინიმუმამდე იყოს ის დარღვევები, რომლებიც წესით იარსებებს იმ ადმინისტრაციული რესურსიდან და იმ მონდომებიდან გამომდინარე, რომელსაც ჩვენ ვხედავთ ხელისუფლების მხრიდან. ამიტომ, ძალიან მკაფიოდ უნდა უთხრან ამ ორგანიზაციებს, იქნება ეს ეუთო, ევროპის საბჭო თუ სხვა, გარდა ოფიციალური მოწვევისა, თუ როგორი იქნება პროცედურები დამკვირვებლების მიღების, ჩამოსვლის, განთავსების და ა.შ. როგორ იმოქმედებს მათზე ის გარკვეული წესები, რაც აქ არის პანდემიის გამო დაწესებული და ხომ არ იქნება რაიმე სიურპრიზები, რომლებიც ხელს შეუშლის ასე ვთქვათ მათ ფუნქციონირებას.

ძალიან მკაფიოდ უნდა იყოს გაწერილი ის სახელმძღვანელო წესებისა, რომლითაც საერთაშორისო დამკვირვებლები იმოქმედებენ აქ ჩამოსვლისას. თუ ხელისუფლებამ დაიწყო ამით მანიპულირება, ეს იქნება ძალიან ცუდი. ერთი ის, რომ უნდა მოხდეს ამ დამკვირვებლების მობილიზება თვითონ საერთაშორისო ორგანიზაციებში და ამაზე მუშაობა მიმდინარეობს, ხელისუფლებამ გაგზავნა უკვე მოსაწვევი, თუმცა ეს არ არის საკმარის. იმისათვის, რომ საერთაშორისო ორგანიზაციებმა გამოგზავნონ გრძელვადიანი დამკვირვებლები, ამას სჭირდება გრძელვადიანი გეგმა და მოლაპარაკება ხელისუფლებასთან და ეს რაც შეიძლება დროულად და სწრაფად უნდა მოხდეს, იმისათვის რომ არ დარჩეს რაიმე სასპეკულაციო თემა.

არჩევნებს საკმაოდ გრძელვადიანი მონიტორინგი სჭირდება, რომელიც 2 თვეს მოიცავს არჩევნების დღემდე, ამრიგად ხელისუფლებამ დღესვე უნდა გასცეს ამას მკაფიო პასუხი, თუ რას აკეთებენ ისინი იმისათვის, რომ საერთაშორისო დამკვირვებლები უპრობლემოდ შემოვიდნენ ქვეყანაში.“ - განაცხადა გიგი წერეთელმა