ევროპული საქართველოს მაჟორიტარობის კანდიდატი ოზურგეთის, ლანჩხუთისა და ჩოხატაურის ოლქში, ხათუნა გოგორიშვილი, ჩოხატაურის ადგილობრივ ხელისუფლებას ნეპოტიზმში ამხელს.

დღეს გამართულ ბრიფინგზე ხათუნა გოგორიშვილმა მედიას გააცნო ჩოხატაურის მუნიციპალიტეტის მიერ გაფორმებული ხელშეკრულება ერთ-ერთ ორგანიზაციასთან .

„ინტეგრირებულ საქმიანობათა დღის ცენტრი ჩოხატაურში“.

პროგრამა მიზნად ისახავს სოციალურად დაუცველთა და უმწეოთა რიცხვის შემცირებას და ცხოვრების ხარისხის ამაღლებას.

პროგრამის განხორციელებისთვის ჩოხატაურის მერიამ ჩარიცხა 96 500 ლარი საიდანაც და მხოლოდ 9 000 ლარი მოხმარდა სხვადასხვა პროგრამას.

პრობლემა მარტო თანხის განკარგვაში არაა, აქ მთავარია ვინ არის ეს 7 თანამშრომელი.

აღნიშნულ პროექტში დასაქმდნენ:

თამარ კოროშინაძე - მერიის სოციალური სამსახურის განყოფილების უფროსის ვანო ცინცაძის ცოლი;

ირინა მამალაძე - მერის მოადგილის თამაზ ჯინჭარაძის ცოლი;

ირინა ხოტრიშვილი - საკრებულოს საფინანსო-საბიუჯეტო კომისიის თავმჯდომარის აკაკი ყაჭეიშვილის ცოლი;

ნათია გურგენიძე - ჩოხატაურის ელექტრო ქსელების ხელმძღვანელის თემურ ჩხიკვაძის ცოლი.

აღნიშნული „ცოლები“ პარალელურად დასაქმებული არიან ჩოხატაურის სხვადასხვა ა(ა)იპ - ებში.

ხათუნა გოგორიშვილის თქმით, ეს კიდევ ერთხელ უსვამს ხაზს, რომ უკიდურესად გაჭირვებული ადამიანებისთვის გამოყოფილ თანხას, ქართული ოცნება უხდის მათთან დაკავშირებულ პირებს.