"ოჯახის წევრად თქვენ იმ წუთიდან აღარ ითვლებით, როცა "ფეხი დაუცდას" ვერსია განავითარეთ" - ბრალდებულ ნიკოლოზ რევაზიშვილის დედა მირიან ნიკოლაძეს პასუხობს

სამართალი - 21:00, 24 Aug, 2020

13644

შეგიძლიათ ახალ ვერსიაზე დაიწყოთ მუშაობა, სიმართლე სინათლეა - ასე გამოეხმაურა

ბრალდებულ ნიკოლოზ რევაზიშვილის დედა მირიან ნიკოლაძის ბოლოდრონდელ განცხადებებს.

ევაზიშვილის დედა აცხადებს, რომ ნიკოლაძეს შაქარაშვილის ოჯახის წევრად აღარ თვლის.

"ბატონო მირიან, მკვლელები მაინც დაისჯებიან, ოჯახის წევრად თქვენ იმ წუთიდან აღარ ითვლებით, როცა "ფეხი დაუცდას" ვერსია განავითარეთ, იქნებ ახლა ნანობთ კიდეც, ჯობდა ისეთი ადგილი მაინც შეგერჩიათ, სადაც მეტი შესაძლებლობები და ვარიანტები გექნებოდათ შოუების დასადგმელად, ყოველ მეორე დღეს თქვენ ტელევიზიებში დადიოდით და ცდილობდით ხალხის აზრის ფორმირებას, "ქემრში" მჯდომი "სადისტი მკვლელების" სახეების ჩამოყალიბებას. რატომ გაგიჩნდებოდათ კითხვები? თქვენ ხომ შეთანხმებულათ მუშაობდით პროკურატურასთან. მაინც ჯობს არ ენდოთ, ვაი თუ თქვენც ისევე გაგწირონ, როგორც თქვენ წირავთ უდანაშაულოებს. საზრუნავი გამოგიჩნდათ, გუშინ გასაჯაროვებულ კადრებში კარგად ჩანს, ქემრში მძღოლის გარდა სულ მცირე ერთი ადამიანი ჯდება. შეგიძლიათ ახალ ვერსიაზე დაიწყოთ მუშაობა. სიმართლე სინათლეა," - განაცხადა ეკატერინე წულუკიძემ.
მირიან ნიკოლაძის განცხადება: "იმდენად არასერიოზული დამოკიდებულებაა საქმისადმი, პირდაპირ გეუბნებით, რამდენიც გვარამიას ჭკუაზე გაივლიან იმდენი მეტი და მეტი პრობელმა ექნებათ მათ. გააქტიურდნენ, ვითომ რა ამით ცდილობენ დაადასტურონ ის, რომ ასე არ ყოფილა?! ასეთი პოზიციებით მუდმივად ადასტურებ, რომ შენი შვილი არის მკვლელი. მირიან ნიკოლაძეს ერთი ნაბიჯი არ გადაუდგამს გიორგის დედის და მამის პოზიციის გარეშე, ცოტა ტვინს ძალა დაატანონ, ამით გიორგის მშობლებს ებრძვიან?!"