პარტია „ლელო საქართველოს” ერთ-ერთი ლიდერი, ბადრი ჯაფარიძე აცხადებს, რომ პარტია „ქართულ ოცნებასთან” კოალიციას არ განიხილავს.

როგორც ბადრი ჯაფარიძემ ოპოზიციურ პარტიებს შორის მემორანდუმის გაფორმების შემდეგ ჟურნალისტებს განუცხადა, “ქართულმა ოცნებამ” მოსახლეობის ნდობა დაკარგა.

„ლელო საქართველოსთვის” არ განიხილავს კოალიციას „ქართულ ოცნებასთან”, რადგან მიგვაჩნია, რომ ამ ძალამ ყველა მორალური რესურსი ამოწურა, ასევე მოსახლეობის ნდობა დაკაგა, აქედან გამომდინარე “ქართულ ოცნებასთან” კოალიცია არ განიხილება! ის ფაქტი, რომ ამდენი პარტია შეთანხმდა საქართველოს მოქალაქის ხმის დაცვისთვის ბრძოლაზე, ძალიან პოზიტიური მოვლენაა ქართულ პოლიტიკაში. შეთანხმება და კონკრეტული ნაბიჯები, რომლებიც დავგეგმეთ იმას ემსახურება, რომ თითოეული ხმა იყოს მაქსიმალურად დაცული და არ მივცეთ მმართველ ძალას ხმების მოპარვის საშუალება“, - განაცხადა ჯაფარიძემ.