"სამწუხაროდ ეს ადასტურებს ჩვენს შიშს ჰოსპიტალური სექტორის მოუმზადებლობასთან დაკავშირებით და კიდევ ერთხელ დასტურდება, რომ ის შედეგები რაც გვაქვს ეპიდემიოლოგიური სამსახურის დამსახურებაა“- ვახტანგ კალოიანი "iინფექციურის" შესახებ

პოლიტიკა - 12:35, 23 Aug, 2020

967

აჭარის უმაღლეს საბჭოში მაჟორიტარი დეპუტატობის კანდიდატი ევროპული საქართველოდან, ექიმი ვახტანგ კალოიანი, ინფექციურ საავადმყოფოსთან დაკავშირებით ჯანდაცვის სამინისტროს მოუწოდებს.

ვახტანგ კალოიანის თქმით, ინფექციურ პათოლოგიათა და შიდსის ცენტრის ირგვლივ, ჯანდაცვის და ეკონომიკის სამინისტროს მიერ მოწყობილი ვაკხანალია, კიდევ ერთი მაგალითია ჯანდაცვის გაუაზრებელი და არათანმიმდევრული პოლიტიკის.

„სამწუხაროდ ეს ადასტურებს ჩვენს შიშს ჰოსპიტალური სექტორის მოუმზადებლობასთან

დაკავშირებით და კიდევ ერთხელ დასტურდება, რომ ის შედეგები რაც გვაქვს

ეპიდემიოლოგიური სამსახურის დამსახურებაა.“- აცხადებს ვახტანგ კალოიანი.

ვახტანგ კალოიანის თქმით, იმ ფონზე როდესაც ინფექციურ პათოლოგიათა და შიდსის ცენტრი შერჩეულია COVID ეპიდემიაზე რეაგირების ერთ -ერთ წამყვან ცენტრად, მისი ამ პირობებში დატოვება უპასუხისმგებლობაა და საფრთხეს უქმნის პაციენტების უსაფრთხო მკურნალობას. კალოიანი აღნიშნავს, რომ ამასთან დაკავშირებით სამედიცინო საზოგადოება ჯერ კიდევ მარტში მოუწოდებდა ხელისუფლებას რეაგირებისკენ.

ვახტანგ კალოიანის განცხადებით, ის თანხა, რომელსაც მოითხოვს თენგიზ ცერცვაძე, რათა გარემონტდეს ინფექციური საავადმყოფოს შენობა არ არის საკმარისი და ის მხოლოდ მინიმალური ინფრასტრუქტურული სამუშაოებისათის იქნება საკმარისი, რადგან შენობა უმძიმეს მდგომარეობაშია. ამრიგად, მისი თქმით, საჭიროა ახალი შენობის აშენება, რათა მოხდეს პაციენტების სათანადო პირობებში მომსახურეობა.

ვახტანგ კალოიანმა ჯანდაცვის სამინისტროს მოუწოდა, რომ დააკმაყოფილოს შემდეგი პირობები:

1. გასაჯაროვდეს COVID პანდემიაზე რეაგირების ხარჯები.

2. საზოგადოებისთვის ხელმისაწვდომი გახდეს COVID -ზე რეაგირების და

მომზადების დეტალური გეგმა და არა ეკლექტური მსჯელობები მასმედიით.

3. ინფექციურ პათოლოგიათა და შიდსის ცენტრს ახალი შენობის აშენებამდე მიეცეს

უსაფრთხოდ და ნორმალურად ფუნქციონირების საშუალება. ქ-ნ ტიკარაძის განცხადებით საწოლთა ფონდის მხოლოდ 40%-ია დატვირთული.