ევროპული საქართველოს ერთ-ერთი ლიდერი, ფოთის ,ხობისა და სენაკის მაჟორიტარობის კანდიდატი, გიგა ბოკერია არჩევნებზე მის მთავარ მოწინააღმდეგეზე საუბრობს. გიგა ბოკერიას თქმით, მისი ოპონენტი არა კონკრეტულ ოლქში წარმოდგენილი „ქართული ოცნების“ კანდიდატი, არამედ ბიძინა ივანიშვილი და მისი პოლიტიკური რეჟიმია.

„ეს არჩევნები სწორედ იმაზეა, რომ ჩვენი კონკურენტი, ოპონენტი თუ მოწინააღმდეგე არის ივანიშვილი პერსონალურად და მის მიერ შექმნილი სისტემა.“-

ამავდროულად, გიგა ბოკერიამ ყურადღება გაამახვილა იმ ინსტრუმენტებზე, რომლის გამოყენებასაც შეეცდება ბიძინა ივანიშვილი წინასაარჩევნო პერიოდში. მისი თქმით, უნდა დასრულდეს ეპოქა, როდესაც ხელისუფლება და კონკრეტული პირები საარჩევნოდ იყენებენ ფინანსურ რესურს, რათა ამომრჩეველი კუთხეში მოაქციოს.

„აქ მთავარი გზავნილი არის, რომ ეს ეპოქა, როდესაც მოქალაქეების ხმის ფეხებზე დაკიდება მოსულა, როცა გადაგდება მოსულა, როცა მოტყუება მოსულა, როცა რაღაცას იძახი იმ მიზნით, რომ სარგებელი მიიღო, როცა ფინანსურ რესურსს ხარჯავ, იმისთვის, რომ გაჭირვებული ამომრჩეველი კუთხეში მოამწყვდიო და ა.შ უნდა დასრულდეს." - განაცხადა ევროპული საქართველოს მაჟორიტარობის კანდიდატმა ფოთში, სენაკსა და ხობში, გიგა ბოკერიამ.