ევროპული საქართველოს ერთ-ერთმა ლიდერმა, ფოთის, ხობის და სენაკის ოლქის მაჟორიტარობის კანდიდატმა, გიგა ბეკორიამ Facebook გვერდი შექმნა და პირველი ვიდეო-მიმართვა გაავრცელა.

გიგა ბოკერია, რომელიც ევროპული საქართველოს სახელით ფოთის, ხობისა და სენაკის ოლქში იბრძოლებს მაჟორიტარობისთვის, საკუთარი Facebook გვერდი შექმნა.

დღეს, ამავდროულად, გიგა ბოკერიამ გაავრცელა ვიდეო მიმართვა, სადაც მან მის ამომრჩეველს მიმართა.

„ეხლა მე ვდგავარ ბაბუაჩემის, გოგი ალექსანდრიას სახლის წინ, ეს არის ერთ-ერთი მიზეზი, რის გამოც აქ ვიყრი კენჭს, ფოთში, ხობსა და სენაკში. სხვათაშორის, სამივე რაიონში ჩემ ოჯახს აქვს ძირი და ფესვები, პოლიტიკაში ყოფნის დროს, ხშირად მსაყვედურობდნენ, თუ რატომ არ ვიხედებოდი ამ მხარისაკენ, რაც ნაწილობრივ სამართლიანი საყვედური იყო. მე მათ ყოველთვის ვპასუხობდი, რომ თუ მოვიდოდა დრო და გავაგრძელებდი აქტიურ პოლიტიკას, მე ამ ნაბიჯს აუცილებლად გადავდგამდი, ახლა კი მოვიდა დრო, რომ ავიღო ეს პასიხისმგებლობა და ვთხოვო ფოთის, სენაკისა და ხობის მოსახლეობას მხარდაჭერა, რათა შემდეგ ვიყო მათი ხმა პარლამენტში.“-განაცხადა გიგა ბოკერიამ.

გიგა ბოკერიამ აღნიშნა, რომ სოციალური ქსელები მისთვის უცხოა და სხვა, ტრადიციულ ინფორმაციების წყაროს უფრო იყენებს, მაგრამ საარჩევნო კამპანიის დროს, Facobook-ის აქტიური მომხმარებელი იქნება.