"საქართველოს მთავრობამ შეაჩერა ან გააუქმა საქმიანი შეთანხმებები, რომელიც ქვეყანას ევროატლანტიკურ ოჯახთან აახლოებდა" - Newsweek-ი რუსული გავლენის ზრდაზე საქართველოში

პოლიტიკა - 16:42, 21 Aug, 2020

1842

Newsweek-ში გამოქვეყნდა აღმოსავლეთ-დასავლეთის ინსტიტუტის (East-West Institute - (EWI)) ყოფილი ხელმძღვანელისა და პაკისტანში აშშ-ის ყოფილი ელჩის წერილი: "რუსეთი ისწრაფვის ფლობდეს ძალაუფლებას საქართველოში", სადაც წერილის ავტორი საქართველოში რუსეთის გავლენების ზრდასა და საქართველოს მთავრობის მიერ მისთვის გაკეთბული დათმობების შესახებ. სტატიაში განსაკუთრებით არის აღნიშნული ანაკლიის პორტთან და Caucasus Online-თან დაკავშირებული საკითხები.

"არ არის საიდუმლო, რომ რუსეთი კვლავ ისწრაფვის საქართველოში ძალაუფლების მოპოვებისკენ. ტრადიციულად ეს სამხედრო ძალის გამოყენებით ხდებოდა... თუმცა, მათთვის, ვინც ყურადღებით აკვირდებოდა მოვლენების განვითარებას, საინტერესო იყო შეენიშნა, რომ რუსეთმა შეცვალა მიმართულება და სამხედრო ძალისხმევის პარალელურად, იყენებს კონტროლის "უფრო რბილ" მეთოდებს.

ბოლო თვეებში გამოჩნდა ინფორმაციები, რომ საქართველოს მთავრობამ შეაჩერა ან გააუქმა საქმიანი შეთანხმებები, რომელიც ქვეყანას ევროატლანტიკურ ოჯახთან აახლოებდნენ. აღსანიშნავია, რომ მთავრობამ ცოტა ხნის წინ შეწყვიტა კონტრაქტი ამერიკულ კომპანიასთან, რომელიც ანაკლიის პორტის პროექტზე მუშაობდა. ასევე მთავრობას ადანაშაულებენ ევროპასა და აზიის ციფრული კორიდორის განვითარების შეფერხების მცდელობაში Caucasus Online-თან ბიზნეს შეთახმების მიმართულების შეცვლისა და კომუნიკაციების შესახებ კანონში სადავო ცვლილებების შეტანით.

საზოგადოება შეშფოთებულია, რომ ამ და მსგავს სხვა ქმედებებზე გავლენა იქონია რუსეთის ზეწოლამ, რომელსაც სურს აღიდგინოს კონტროლი საქართველოს გეოპოლიტიკურ გზაზე.

„დასავლეთის მთავრობები უნდა იყვნენ ფხიზლად ნებისმიერი ქმედების მიმართ, რომელმაც შესაძლოა ძირი გამოუთხაროს საქართველოს ევროატლანტიკური ინტეგრაციის მცდელობებს. საქართველო არის გეოსტრატეგიული მნიშვნელობის ქვეყანა ევროპისა და ამერიკისთვის – ჩვენ უნდა გამოვიყენოთ ყველა მცდელობა, რათა უზრუნველვყოთ, რომ ის რუსეთის გავლენების სფეროს ქვეშ არ მოექცეს“, – წერს ქემერონ მიუნტერი.