სამოქალაქო საზოგადოების წარმომადგენლები პრემიერობის კანდიდატის საპარლამენტო უმცირესობასთან შეხვედრას უკვე აფასებენ.

„პრემიერ-მინისტრობის კანდიდატმა ირაკლი ღარიბაშვილმა საპარლამენტო უმცირესობასთან შეხვედრისას ამომწურავად ისაუბრა და უპასუხა ყველა იმ დასმულ კითხვას, რომელსაც ნაციონალური მოძრაობის დეპუტატები უსვამდნენ“, - აცხადებს „ნიუპოსტთან“ საუბარში სამოქალაქო საზოგადოების წარმომადგენელი ალექსანდრე ლომოური.

ლომოურის თქმით, საპარლამენტო უმცირესობის შეშფოთების მიზანი არის ის, რომ ახალი პრემიერ-მინისტრობის კანდიდატი არის ქარიზმატული და სამართლიანობის მოყვარული ადამიანი, რომელიც ქვეყნის უახლეს ისტორიაში სამართლიანობას წინა პლანზე დააყენებს.

”პრემიერ-მინისტრობის კანდიდატმა ირაკლი ღარიბაშვილმა ყველა კითხვას ადეკვატური პასუხი გასცა და ეს შეიძლება შეფასდეს დადებითად” - განმარტავს ლომოური.