იუსტიციის მინისტრი "ნაციონალურ მოძრობას" ბავშვების "მომავლის ნგრევაში" ადანაშაულებს. წულუკიანი ამბობს, რომ წინა ხელისუფლებას, ბავშვთა უფლებებისთვის არაფერი გაუკეთებია.

იუსტიციის მინისტრმა აღნიშნული განცხადება იმ ინფორმაციის კომენტირებისას გააკეთა, რომლის მიხედვითაც, ბავშვთა 200 ლარიანი დახმარებების რეგისტრაციაში დახმარების გამო, გარკვეული ძალები "პოლიტიკურ ქულებს იწერენ". თეა წულუკიანმაც მისი თანაპარტიელების მსგავსად, ხელი "ენმ"-ს დაადო.

"ნაციონალურმა მოძრაობამ“ და მისმა დანაყოფებმა, არ გაგვახსენოთ ეს დროო, მაგრამ მთლიანად, ამ გაერთიანებულ „ნაციონალურ მოძრაობას“, რომელიც დღეს უკვე არაერთი პარტიისგან შედგება, ყოველთვის შევახსენებ, რომ კენჭიც არ დაუდიათ ბავშვთა უფლებების დასაცავად. ისინი პირდაპირ იყვნენ დაკავებულები ბავშვების მომავლის ნგრევით. ამისათვის საკმარისია გავიხსენოთ ბავშვთა მდგომარეობა ყველა სფეროში და თუნდაც სისხლის სამართლის პროცესში. ცდილობენ, თავად დაიწერონ პოლიტიკური ქულები. ეს მათი მორალური სახეა" - ამბობს წულუკიანი.