რა იწვევს ვარიკოზს და როგორ ვუმკურნალოთ მას?

ჯანმრთელობა - 14:28, 20 Aug, 2020

3481

ვარიკოზი ეს არის გაფართოებული და ერთმანეთში გადახლართული ვენები, რომლებიც ლურჯი ან მუქი მეწამული ფერისაა. ეს დაავადება ყველაზე ხშირად ქვედა კიდურების ვენებზე ვითარდება და შესაძლოა გამოიწვიოს გარკვეული დისკომფორტი ან ტკივილის შეგრძნება. იგი ყალიბდება მაშინ, როდესაც არტერიული წნევა იზრდება ვენებში. დაავადება ყველაზე მეტად თავს იჩენს 30-დან 60 წლამდე ასაკის ქალებში.

როგორ გავიგოთ გვჭირს თუ არა ვარიკოზი?

გაფართოებული და მეწამული ფერის ვენები არ არის ერთადერთი ნიშანი იმისა, რომ თქვენ გაქვთ ვარიკოზი. მისი სხვა ნიშნები და სიმპტომებია:

· ქვედა კიდურების შეშუპება;

· ფეხებში ტკივილის ან სიმძიმის შეგრძნება;

· ფეხის კრუნჩხვები — განსაკუთრებით ღამით;

· ქავილის შეგრძნება;

· წვის ან ფეთქვის შეგრძნებები ქვედა კიდურების არეში;

თქვენ შეიძლება შეამჩნიოთ ამ სიმპტომების გაუარესება თბილ ამინდში, ან ფეხზე დიდი ხნით დგომის შემდეგ. მათი შემსუბუქება შესაძლებელი ფეხების დასვენების ან ამაღლების შემთხვევაში.

რა პროდუქტებს გვთავაზობს "ახალი ხედვა" ვარიკოზის სამკურნალოდ?

მაღაზიათა ქსელი „ახალი ხედვა“ მომხმარებელს სთავაზობს უმაღლესი ხარისხის, ფართო ასორტიმენტისა და საერთაშორისო ბაზარზე ცნობილი, ექსკლუზიური ბრენდების ვარიკოზის მოვლის საშუალებებს.

პროდუქცია მოიცავს ვარიკოზული ვენების საწინააღმდეგო კოლგოტებს, ლიმფოსტაზის ხელის წინდებს, კოლგოტებს ორსულთათვის, ანტი-თრომბოემბოლიურ წინდებს და ა.შ.

დამატებით რა უნდა ვიცოდეთ ვარიკოზის შესახებ?

თუ თქვენ ვარიკოზი გაწუხებს, შეგიძლიათ შეიმსუბუქოთ მისი სიმპტომები და ხელი შეუშალოთ მის განვითარებას შემდეგი გზებით:

1. თავი აარიდეთ დიდხანს ერთ პოზაში დგომას ან ჯდომას და ეცადეთ იმოძრაოთ ყოველ 30 წუთში.

2. რეგულარულად შეისვენეთ მთელი დღის განმავლობაში, დისკომფორტის შესამსუბუქებლად, დასვენებისას ფეხები დაალაგეთ ბალიშებზე.

3. რეგულარული ვარჯიში - ამან შეიძლება გააუმჯობესოს ვენებში სისხლის მიმოქცევა და ხელი შეუწყოს ჯანმრთელ წონას.

4. ეცადეთ თავი აარიდოთ სითბურ დატვირთვას და გადახურებას.

5. კონტრასტული შხაპის მიღება - თბილი და გრილი წყლის მონაცვლეობა ასევე შეგიმსუბუქებთ დისკომფორტს და ხელს შეუწყობს სისხლის მიმოქცევას.

6. ეცადეთ ყოველდღიურად არ ატაროთ მჭიდრო ტანსაცმელი ან ფეხსაცმელი, მოკლე წინდები მჭიდრო რეზინით ან მაღალქუსლიანი ფეხსაცმელი.