გრემის ეკლესიის მიმდებარედ დაწყებული ტურისტული ცენტრის მშენებლობა და პროტესტი - ნეკრესელი მიტროპოლიტი ეკლესიის დაზიანების საფრთხეზე საუბრობს

რელიგია - 22:41, 18 Aug, 2020

2760

გრემის ეკლესიის მიმდებარე ტერიტორია დაპირისპირების მიზეზი გახდა - ადგილობრივების თქმით, მთავარანგელოზის სახელობის ტაძრიდან 100 მეტრში კაფეების, მარნების და მაღაზიების მშენებლობა იგეგმება, ადგილზე, მიწისქვეშ კი სავარაუდოდ უძველესი ნანგრევებია.

მშენებლობას შპს კორპორაცია გრემი გეგმავს, მისი მფლობელი, ნიკოლოზ თუშიშვილი აცხადებს, რომ მშენებლობის ნებართვა აქვს და მისთვის გაურკვეველია რატომ ეწინააღმდეგება ადგილობრივი ეპარქია და მოსახლეობა ტურისტული ცენტრის მშენებლობას.

მშენებლობას ნეკრესელი მიტროპოლიტი სერგი აპროტესტებს, რომელიც აცხადებს, რომ მიწისქვეშა ნანგრევების გარდა მშენებლობა გრემის ეკლესიასაც დააზიანებს.
ცნობილია, რომ მშენებლობის დაწყებამდე საპატრიარქოს 20 კაციანმა კომისიამ, ალავერდელი მიტროპოლიტის ხელმძღვანელობით ეს საკითხი შეისწავლა და დაადგინა, რომ მშენებლობა გრემის ეკლესიას საფრთხეს არ უქმნის, რაც შეეხება ისტორიულ სამეფო უბანს, ტერიტორიის შესწავლის შედეგად დადგინდა, რომ ამ ადგილზე მიწისქვეშ ისტორიული ძეგლის არ არის.
ცნობილია, რომ ამ დროისთვის მშენებლობა შეჩერებულია.