„ევროპული საქართველოს" ერთ-ერთმა ლიდერმა გიგა ბოკერიამ „ლეიბორისტული პარტიის" ოფისში კანდიდატების წარდგენის კომენტარი გააკეთა.

ბოკერიას თქმით, მათი მხარდაჭერა ექნება ზურა ჯაფარიძესაც და ირაკლი ოქრუაშვილსაც.

მისივე თქმით, ოპოზიციური პარტიების მიერ მიღებული დეკლარაცია არის საქართველოს მომავალი და წარსულს უნდა ჩაბარდეს ივანიშვილის რეჟიმის სიძულვილით სავსე დაპირისპირება.

“ჩვენთვის მნიშვნელოვანი გზავნილია, რომ ჩვენი ოპოზიციური პარტიების მხარდამჭერები, რომლებიც ხშირად მწვავე დისკუსიაში არიან ერთმანეთთან, ამავე დროს იყვნენ კოორდინაციაში, როცა ლაპარაკია ისეთ ღირებულებაზე, როგორიც ნებისმიერი ადამიანის ხმის დათვლაა. ეს არის მომავალი საქართველოსი. ჩვენ უნდა ჩავანაცვლოთ ბიძინა ივანიშვილის რეჟიმის სიძულვილით სავსე დაპირისპირება და უნდა ჩავაბაროთ წარსულს”, -განაცხადა ბოკერიამ.

მისი განმარტებით, თბილისში ოპოზიციის შეჯერება არის მაგალითი იმისა, თუ როგორ გაიზარდა პოლიტიკური სპექტრი საზოგადოების დაკვეთით.

„ყველას უნდა გვესმოდეს, რომ ივანიშვილის რეჟიმის მშვიდობიანად დამარცხების შემდეგ იქნება ევროპული კოალიცია, რომელსაც ჩვენ აუცილებლად შევკრავთ”, - განაცხადა ბოკერიამ.