"ივანიშვილის ე.წ დროებითი მმართველის შემოსავალი თვეში 50,000 ლარია, ჭიათურელი მაღაროელის საშუალო ხელფასი - 800 ლარი, უსამართლობა უნდა დამთავრდეს"

"ივანიშვილის ე.წ დროებითი მმართველის შემოსავალი თვეში 50,000 ლარია, ჭიათურელი მაღაროელის საშუალო ხელფასი - 800 ლარი, უსამართლობა უნდა დამთავრდეს" - გიორგი კაპანაძე

პოლიტიკა - 00:08, 18 Aug, 2020

2787

ჭიათურას ყურადღება ადრეც აკლდა, მაგრამ რაც ახლა ხდება, კატასტროფაა - ამის შესახებ გამომძიებელმა ჟურნალისტმა და მთავარი ოპოიციური პარტიის, ერთიანი ნაციონალური მოძრაობის მაჟორიტარობის სავარაუდო კანდიდატმა ჭიათურა-საჩხერე-ხარაგაულის ოლქში, გიორგი კაპანაძემ განაცხადა.

გიორგი კაპანაძის თქმით, ჭიათურაში ცვლილებების დროა, მაღაროელებს ღირსეული შემოსავალი და უსაფრთხო სამსახური უნდა ჰქონდეთ .

“ივანიშვილს დაქვემდებარებული ჯორჯიან მანგანეზის დროებითი მმართველის, ჩიქოვანის საშუალო შემოსავალი თვეში არის 50 ათასი ლარი. ე.ი მაღაროელმა, რომლის საშუალო ხელფასი 800 ლარია, 5 წელზე მეტი უნდა იმუშავოს იმისათვის რომ ამ კორუმპირებული მონის ერთი თვის ხელფასამდე ავიდეს. წარმოიდგინეთ, მაღაროელი მიდის სამსახურში, შედის მაღაროში, სიცოცხლის რისკის ფასად მუშაობს მთელი დღე, სიცივეში თუ სიცხეში, ყონვასა და წვიმაში, მუშაობს იმისათვის რომ გამოკვებოს ოჯახი, იმისათვის რომ იარსებოს...

და რას აკეთებს ეს მავნებელი და ივანიშვილის თვალი და ყური ჩიქონავი? ერთ თვეში ზუსტად იმდენს იღებს, რამდენსაც საშუალო მაღაროელი 5 წლის განმავლობაში. და რაში? კორუფციულ სქემებსა და მაღაროელების კონტროლში, ტოტალურ კონტროლში, მათთვის არაადამიანური სამუშაო პირობების შექმნაში, მათ მოტყუებასა და გადაგდებაში. შედეგად, ამ მავნებლების წყალობით, ჭიათურა იქცა ოლკოლოგიის, სიღარიბის, სოციალური და ეკოლოგიური პრობლემების ადგილად.
ადრეც აკლდა ყურადღება ამ ქალაქს. ადრე მეტი უნდა გაკეთებულიყო ჭიათურისთვის, მაღაროელებისთვის, მაგრამ რაც ახლა ხდება, კატასტროფაა, გაუგონარი ცინიზმი და დიდი უსამართლობაა. ეს უნდა შეიცვალოს და რაც შეიძლება სწრაფად. ბოლოსდაბოლოს მაღაროელებს უნდა ჰქონდეთ ღირსეული შემოსავალი და უსაფრთხო სამსახური. ცვლილებების და პროგრესის დროა - მაღაროელისთვის, ჭიათურისთვის, ჩვენი ქვეყნისათვის” - განაცხადა გიორგი კაპანაძემ.