"თუ ხელისუფლება არ განმარტავს რას აკეთებდა დელეგაცია მინსკში, მაშინ უნდა ვივარაუდოთ, რომ საქმე ეხება მოლაპარაკაბებს, რომელიც არ არის ცივილიზებული სამყაროს ინტერესებში"

"თუ ხელისუფლება არ განმარტავს რას აკეთებდა დელეგაცია მინსკში, მაშინ უნდა ვივარაუდოთ, რომ საქმე ეხება მოლაპარაკაბებს, რომელიც არ არის ცივილიზებული სამყაროს ინტერესებში" - ხატია დეკანოიძე

პოლიტიკა - 11:59, 17 Aug, 2020

1614

„ერთიანი ნაციონალური მოძრაობის“ ერთ-ერთი ლიდერი ხატია დეკანოიძე საქართველოს მთავრობას მოუწოდებს განმარტოს თუ ვინ და რატომ იმყოფებოდა ბელარუსში მთავრობის კუთვნილი თვითმფრინავით.
როგორც დეკანოიძე „ნიუ პოსტთან“ საუბრისას აღნიშნავს, თუ ამ კითხვებზე პასუხები არ იქნება გაცემული, ეს მოგვცემს ვარაუდოს საფუძველს, რომ საქართელოს ხელისუფლება ჩართულია იმ საიდუმლო მოლაპრაკებებში, რომელიც ცივილიზებული სამყაროს ინტერესებში ნამდვილად არ შედის.

„საქართველოს ხელისუფლების კუთვნილი თვითმფრინავი, რომელიც საერთაშორისო გადაზიდვების რუკაზე დაფქსირდა, ნამდვილად იმყოფებოდა მინსკში, ამიტომ იმ დროს, როდესაც მთელი ცივილიზებული სამყარო პრაქტიკულად არ ცნობს არჩევნებს ბელორუსში და დაახლოებით 60 ათასი ბელორუსი თავისუფლების მარშზე გამოდის, ძალიან მნიშვნელოვანია ვიცოდეთ რას აკეთებდა საქართველოს ხელისუფლების დელეგაცია მინსკში, რა მოლაპრაკებებში იღებდა მონაწილეობას და ვინ იყვნენ იქ. თუ საქართველოს ხელისუფლება არ გააკეთებს განცხადებებს, არ განმარტავს და არ უპასუხებს ამ საკითხთან არსებულ კითხვებს, მაშინ უნდა ვივარაუდოთ, რომ საქმე ეხება იმ საიდუმლო მოლაპარაკაბებს, რომელიც არ არის ცივილიზებული სამყაროს ინტერესებში.“