სენატორი ჯიმ რიში 2008 წლის აგვისტოს ომის 12 წლისთავს ეხმაურება და ამბობს, რომ აშშ კვლავ აგრძელებს საქართველოს სუვერენიტეტის მხარდაჭერას და ის არასდროს ცნობს რუსეთის მიერ საქართველოს უკანონო ოკუპაციას.

"12 წლის შემდეგ, რაც რუსეთი საქართველოს სუვერენულ ტერიტორიაზე შეიჭრა, აფხაზეთი და სამხრეთ ოსეთი კვლავ ოკუპირებულია. აშშ აგრძელებს საქართველოს სუვერენიტეტისა და დემოკრატიისკენ სვლის მხარდაჭერას და არასდროს ცნობს რუსეთის მიერ საქართველოს უკანონო ოკუპაციას". – წერს სენატორი.