ოქსფორდის ლექსიკონის ვერსიით 2013 წლის სიტყვად აღიარეს ნეოლოგიზმი selfie, რაც საკუთარი თავისთვის სმარტფონით ან ვებკამერით ფოტოს გადაღებას და სოციალურ ქსელში ატვირთვას აღნიშნავს, ნათქვამია ლექსიკონის საიტზე პრეს-რელიზში.

ოქსფორდის ლექსიკონი ყოველწლიურად ირჩევს წლის სიტყვას, რომელიც წარმოადგენს ინგლისური ენის განვითარებაში მნიშვნელოვანი წვლილის შემტან ტერმინს. ლექსიკონის რედაქტორებმა, ინტერნეტში არსებული ტექსტებისა და შეტყობინებების გამოკვლევით, დაადგინეს, რომ წლის განმავლობაში, ინგლისურ ენაში სიტყვა selfie- ის გამოყენება 17000%-ით გაიზარდა.

სიტყვა selfie, პირველად 2002 წელს, ერთ-ერთ ავსტრალიურ ონლაინ-ფორუმზე გაჩნდა. ექსპერტები აღნიშნავენ, რომ დღეს ტერმინი ინგლისური ენის სრულყოფილ ელემენტად იქცა.

„ენის კვლევის ოქსფორდის ლექსიკონის პროგრამის გამოყენებით, რომელიც ინგლისურ ენაში გამოყენებადი 150 მილიონი სიტყვის ბაზას  ყოველთვიურად ადგენს, დავადგინეთ სიტყვა selfie-ს გამოყენების ფენომენალური ზრდა 2013 წელს. ეს დაგვეხმარა განგვესაზღვრა წლის სიტყვა“, - განმარტა არჩევანი ოქსფორდული ლექსიკონის მთავარმა რედაქტორმა ჯუდი პირსალმა.

ria.ru