დიახ, ეს სიმართლეა. მთელ მსოფლიოში მხოლოდ 500 ადამიანს აქვს ასეთი წარმოუდგენლად იშვიათი პასპორტი. შეგიძლიათ თუ არა გახდეთ აღნიშნული დოკუმენტის მფლობელი? დიახ, თუმცა ამისთვის საჭიროა იყოთ მალტის სუვერენული ორდენის წევრი.

მალტის ორდენი აერთიანებს 13 000 წევრს, ასევე ათასობით ექიმსა და მოხალისეს. დამყარებული აქვს დიპლომატიური ურთიერთობები 120 ქვეყანასთან. ორდენის ძირითადი მიზანია დაავადებული, უმწეო, უსახლკარო და დევნილი, ასევე სტიქიური უბედურებებისა და ომისაგან დაზარალებული მოსახლეობის დახმარება, რასობრივი და რელიგიური კუთვნილების მიუხედავად.

ორდენი საერთაშორისო სამართლის სუბიექტადაა მიჩნეული და განსაკუთრებული სტატუსით სარგებლობს, რადგან არ წარმოადგენს არც სახელმწიფოს და არც საერთაშორისო ორგანიზაციას. მას აქვს მუდმივი ასოცირებული დამკვირვებლის სტატუსი გაერო-ში. ორდენის ადგილსამყოფელია რომი და მისი ხელმძღვანელია დიდი მასტერი ჯაკომო დალლა ტორრე დელ ტემპიო დი სანგინეტტო.

გრანდ მასტერი, რომელიც ყველაზე მაღალი საფეხურია ორდენში, ფლობს ზემოხსენებულ სამუდამო პასპორტს.