ბაჩო ახალაიასა და სხვა ბრალდებულების სასამართლო პროცესი, სადაც სამხედროების წამებისა და ზვიად აბესაძისთვის თავისუფლების უკანონო აღკვეთას განიხილავენ, სააპელაციო სასამართლოში დღეს განახლდება.

წინა პროცესზე პროკურატურის საჩივარზე სასამართლომ ბრალდების მხარის დასკვნითი სიტყვები მოისმინა. დღევანდელი პროცესი კი დაცვის მხარის დასკვნით სიტყვებს დაეთმობა, რის შემდეგაც ბრალდებულები საბოლოო სიტყვას იტყვიან.

ამის შემდეგ კი მოსამართლეთა კოლეგია გადაწყვეტილებას გამოაცხადებს, დატოვებს თუ არა პირველი ინსტანციის სასამართლოს გადაწყვეტილებას ძალაში.

შეგახსენებთ, რომ აღნიშნულ ეპიზოდში ბაჩო ახალაია და მასთან ერთად ბრალდებულები საქალაქო სასამართლომ გაამართლა.