თბილისის მერიის სოციალური მომსახურებისა და კულტურის საქალაქო სამსახურის უფროსმა მამუკა ქაცარავამ განაცხადა, მიღებულია გადაწყვეტილება, რომ თბილისში ღამის თავშესაფრები აშენდეს, რომლებიც უსახლკარო მოქლაქეებს მოემსახურება:

“უსახლკაროთა საკითხი საკმაოდ პრობლემურად დადგა ქალაქში. ჩვენ ორი მიმართულებით ვაპირებთ მუშაობას, ერთი- ეს არის სოციალური სახლები, რომელიც სულ სხვა თემაა და გაცილებით უფრო რთული თემაა, რადგან საკანონმდბლო ბაზის მომზადებას საჭიროებს. მეორე საკითხი არის უსახლკაროები, მისამართის არმქონე პირები. მათთვის გვინდა გაკეთდეს თავშესაფარი.ჩვენ ამაზე ახლა ინტენსიურად ვმუშაობთ”, – აცხადებს მამუკა ქაცარავა.

მისივე თქმით, მერიას ამ საკითხზე შეხვედრები უკვე ჰქონდა რამდენიმე არასამთავრობო ორგანიზაციასთან, მათ შორის კარიტასთან, “წითელ ჯვართან” და სხვა ამ მიმართულებით მომუშავე ჯგუფებთან.

ქაცარავა ადასტურებს, რომ მათ ერთი შეხვედრა ჰქონდათ არასამთავრობო ორგანიზაცია "იდენტობასთან", რომელსაც უსახლკარო ოჯახებისთვის სურდა საცხოვრისის მოწყობა, მაგრამ ეს პროექტი შეჩერდა.

მისივე განმარტებით, თავშესაფარი, რომლის აშენებაც მერიას სურს, განსხვავდება ზემოხსენებული საცხოვრისისაგან, რადგან ეს თავშესაფარი უსახლკაროებს მხოლოდ ღამის განმავლობაში მოემსახურება.

„ნეტგაზეთის“ მიხედვით