საერთაშორსო რესპუბლიკურმა ინსტიტუტის მიერ საქართველოში ჩატარებული ახალი კვლევის შედეგების მიხედვით გამოკითხულთა 82 % ყველაზე დიდ პოლიტიკურ საფრთხედ რუსეთს მიიჩნევს.

კითხვაზე „რომელ ქვეყანას მიიჩნევთ საქართველოს ყველაზე დიდ პოლიტიკურ/ეკონომიკურ პარტნიორად? რომელი ქვეყანა წარმოადგენს ყველაზე დიდ პოლიტიკურ/ეკონომიკურ საფრთხეს“, გამოკითხულთა უმეტესობამ ყველაზე დიდ პოლიტიკურ და ეკონომიკურ პარტნიორად აშშ დაასახელა, ყველაზე დიდ პოლიტიკურ და ეკონომიკურ საფრთხედ კი - რუსეთი.

გამოკითხულთა 82 % ყველაზე დიდ პოლიტიკურ საფრთხედ რუსეთს მიიჩნევს, 65 %-ის აზრით კი საქართველოს ყველაზე დიდი პოლიტიკური პარტნიორი შეერთებული შტატებია.

მოქალაქეების 70%-ის აზრით, ყველაზე დიდ ეკონომიკურ საფრთხეს რუსეთი წარმოადგენს, გამოკითხულთა 51%-ი კი მიიჩნევს, რომ საქართველოს ყველაზე დიდი ეკონომიკური პარტნიორი შეერთებული შტატებია.

კვლევა 4 ივნისიდან 2 ივლისის პერიოდში, პირისპირ ინტერვიუს სახით ჩატარდა. კვლევამ საქართველოს 1500 მოქალაქე მოიცვა. კვლევის ცდომილება პლუს/მინუს 2,5-ია.