გიორგი შაქარაშვილის მკვლელობის საქმე - პრემიერმა გიორგი გახარიამ საქმეზე მოკლე კომენტარი გააკეთა და თქვა, რომ უნდა გავუფრთხილდეთ გარდაცვლილის ოჯახს.

მისივე თქმით, ახლა ყველაზე მეტად გარდაცვლილის ოჯახის წევრებს სჭირდებათ გვერდში დგომა.

„მესმის, რომ ძალიან ბევრი ემოციაა, განსაკუთრებით, როდესაც საქმე ეხება ჩვენს ახალგაზრდებს და ბავშვებს, მაგრამ პირველ რიგში, ჩვენ უნდა გავუფრთხილდეთ ოჯახის წევრებს. პირველ რიგში მათ სჭირდებათ გვერდში დგომა და გვერდში დგომის ყველაზე მნიშვნელოვანი ქმედება არის გამოძიება და გამოძიების სწრაფად, ეფექტურად და სამართლიანად ჩატარება. მერწმუნეთ, რომ ამით არის განპირობებული ყველაფერი და ასე გაგრძელდება ყველა იმ სისხლის სამართლის საქმეზე, რომელზეც ახლა თქვენ საუბრობთ“, - განაცხადა გახარიამ.