"გამოძიება უკვე მკვლელობაზეც საკმაოდ კარგად ყალიბდება“ - ამის შესახებ გაურკვეველ ვითარებაში გარდაცვლილი თამარ ბაჩალიაშვილის ადვოკატი, მიხეილ რამიშვილი საუბრობს.

“ძალიან დიდი მასალა იყო. მის პირად Youtube-ზეც შევედით, ჩანაწერები ვნახეთ. თუმცა, ამ ეტაპზე ფეისბუკზე მაინც ვერ შევედით..ძალიან ბევრი სხვა მასალაა, მისი მიწერ-მოწერებიც ვნახეთ, ყველაზე საეჭვო რაც იყო… სხვა ფიგურანტებიც გამოჩნდნენ. ერთი არის, რომ 13-დან 18 ივლისამდე საერთოდ არანაირი შეტყობინებები არ არის, ან წაშლილია. ასევე, მიუხედავად იმისა, რომ 18 ივლისის შემდეგ არის რაღაც შეტყობინებები მოსული, უკვე 10 აგვისტოს, გარკვეული ცვლილება ფიქსირდება. ვიღაც შედის და გამოდის,“ – აცხადებს ადვოკატი.

რამიშვილი და ბაჩალიაშვილის ოჯახის წევრები გუშინ, 11 აგვისტოს შინაგან საქმეთა სამინისტროში იმყოფებოდნენ, სადაც მათ საქმის მასალების ნაწილი გააცნეს.