ბიუჯეტის საუკუნის ძარცვის სკანდალური საქმე - გაერთიანებული წყალმომარაგების კომპანიის ბუღალტერი, რომელიც ხაზინიდან 2 მილიონი ლარის მოპარვისთვის იხდის სასჯელს დუმილს არღვევს

პოლიტიკა - 22:55, 07 Aug, 2020

4316

ბიუჯეტის ძარცვის სკანდალური საქმე - გაერთიანებული წყალმომარაგების კომპანიის ბუღალტერი, რომელიც სასჯელს სახელმწიფო ხაზინიდან 2 მილიონი ლარის მოპარვისთვის იხდის სასჯელს დუმილს "ტვ პირველთან" არღვევს და აცხადებს, რომ ხალხის კუთვნილი ფული ანგარისზე მისი უფროსის საშუალებით სხვადასხვა ანგარიშებზე გადაირიცხა.
თამარ ფხოველიშვილი აღნიშნულ საქმეში ხელს არჩილ ცაბუტაშვილს ადებს და ამბობს, რომ იგი ირაკლი ღარიბაშვილის გარემოცვიდანაა. ბიუჯეტის ძარცვის სკანდალს ცაბუტაშვილის პოსტი შეეწირა, თუმცა დაჭერას გადაურჩა.
ცაბუტაშვილის მფლობელობაში ახლა 4 კომპანიაა და ის ბიზნესსაც ფლობს. ფხოველიშვილი ამტკიცებს, რომ საბუტაშვილმა ბიზნესი ბიუჯეტიდან მოპარული ფულით დაიწყო.
"რას ემსახურება ეს შერჩევითი სამართალი, როგორ შეიძლება 4 შვილის დედა ციხეში გაუშვა და თავიდან ბოლომდე ხელები შეაწმინდო და მაღალი კავშირების მქონე ადამიანი გარეთ დატოვო. კონკრეტულად საქმეში საბუტაშვილის როლი მფარველობა, ხელშეწყობა, იმიტომ რომ გამორიცხული იყო მთავარ ბუღალტერს ზემდგომი პირების გარეშე, საქმე დამოუკიდებლად განეხორციელებინა. ეს მიდიოდა 2 წლის რეჟიმში, პერმანენტულად, თითქმის ყოველდღიურ რეჟიმში. ეს არ იყო ერთჯერადი, რომ ასე მარტივად ...მოწმის სახით როცა დაიკითხა ცაბუტაშვილი, ის უკვე აღარ იყო თანამდებობის პირი, არსად მუშაობდა და ძალიან საინტერესოა როგორ გახდა ადამიანი ბიზნესმენი. ეგ იყო ბატონ ღარიბაშვილთან დაკავშირებული და ძალიან ახლო ურთიერთობა ჰქონდა. არ ვიცი კავშირის გამო მფარველობენ თუ ახლლობლობის გამო, მაგრამ ფაქტია, რომ მფარველობენ" - ამბობს თამარ ფხოველიშვილი" - ამბობს ფხოველიშვილი.

ფაქტების გადამოწმების შედეგად გაირკვევა, რომ არჩილ ცაბუტაშვილი დღეს რამდენიმე კომპანიას ფლობს. აღნიშნულ საკითხზე ცაბუტაშვილი კომენტარს არ აკეთებს.
"როგორც ვიცი დამთავრდა გამოძიება და ცემი ის რა არის...თაღლითი იყო და მიუსაჯეს კიდევაც...მე არ ვიცოდი ინფორმაცია ამის შესახებ. რომ ვყოფილიყავი ეგრევე გავაგდებდი კომპანიიდან. რაც ჩაიდინა აგერ კი აგო პასუხი. ველაფერი ნახეს იქ, რამე რომ ყოფილიყო, როგორ გგონიათ, ვინმე მაპატიებდა?...ბიუჯეტის მოიპარა და შეჭამა მაგ თაღლითმა და იმიტომაც აგებს პასუხს. ღარიბაშვილი რა შუაშია გამაგებინეთ ერთი. წყალმომარაგებასთან ღარიბაშვილი რა შუაშია. რა შუაშია მეგობარი და ნაცნობი, მასე ყველა ყველას იცნობს. თამარ ფხოველიშვილი ამტკიცებს, რომ ცაბუტაშვილმა მილიონები გავლენიანი მფარველების საშუალებით მოიპარა, მათ შორის ერთ-ერთი მაშინდელი პრემიერ-მინისტრი ირაკლი ღარიბაშვილი იყო, რომლის გარემოცვასთან ცაბუტაშვილს ახლო ურთიერთობა ჰქონდა" - ამბობს ცაბუტაშვილი.

ბიუჯეტიდან 2მილიონზე მეტის მოპარვის საქმის მასალებში დევს გაერთიანებული წყალმომარაგების კომპანიის ყოფილი უფროსის საბანკო ამონაწერები, რომლებშიც ჩანს, რომ არჩილ ცაბუტაშვილი ბიუჯეტიდან დიდი ფულის გაუჩინარების პარალელურად, ათიათასობით ლარს უცხოეთში, ცნობილი ბრენდების მაღაზიებში ხარჯავდა. გაირკვა, რომ მხოლოდ ერთი შოპინგის დროს, მან თითქმის ნახევარი წლის ხელფასი დახარჯა. კითხვაზე თუ საიდან ჰქონდა მას ამ ოდენობის თანხა, გაერთიანებული წყალმომარაგების კომპანიის ყოფილმა უფროსმა ტელეფონი გათიშა.
შეგახსენებთ, სახელმწიფო ბიუჯეტიდან 2-მილიონზე მეტი ლარი 2015 წელს გქრა. ეს იყო ბიუჯეტის ძარცვის ყველაზე დიდი სკანდალი. მაშინ ბუღალტერი, თამარ ფხოველიშვილი დაიჭირეს, თუმცა გამოძიება მისი უფროსებით აღარ დაინტერესებულა.