თბილისის დიდ ნაწილს წყალმომარაგება შეუწყდება. კომპანია "ჯორჯიან უოთერ ენდ ფაუერი" თბილისის წყალმომარაგების სისტემას ზამთრის სეზონისთვის ამზადებს. "დღეს კომპანია გეგმავს, 1400 მმ-იანი მე-7 მაგისტრალური წყალდენის ზამთრის სეზონისთვის მომზადებას, რაც მაგისტრალური არტერიის გარკვეულ მონაკვეთებზე აუცილებელი საპროფილაქტიკო სამუშაოების განხორციელებას ითვალისწინებს.

საპროფილაქტიკო სამუშაოების ჩატარების მიზნით, 18 ნოემბერს, 10:00 საათიდან წყალმომარაგება ეტაპობრივად შეეზღუდება: ცენტროლიტის, კონიაკის, გლდანულას და გაზის დასახლებებს; მუხიანის სამხედრო დასახლებასა და მის მიმდებარე დასახლებულ პუნქტებს; ანდრონიკაშვილის, ბიჭვინთის, რევოლუციისა და მათ მიმდებარე ქუჩებს;

თემქის III და გლდანის III, IIIა, V, VI, VII, VIII მ/რაიონებს, სოფლებს:

გლდანს და გიორგიწმინდას; სასჯელაღსრულების დეპარტამენტის გლდანის N8 საპატიმროს; "ჰაიდელბერგცემენტის" ბეტონის ქარხანას", - აცხადებენ კომპანიაში.

მათივე ინფორმაციით, წყლის მიწოდების ეტაპობრივი აღდგენა ჩამოთვლილ უბნებში დაიწყება სამუშაოების დასრულების შემდეგ, 19 ნოემბრის 15:00 საათიდან, დღის ბოლომდე კი წყალს მიიღებს ყველა ქუჩა.

კომპანია "ჯორჯიან უოთერ ენდ ფაუერი" ბოდიშს უხდის მოსახლეობას შექმნილი დისკომფორტისთვის.