17 ნოემბერს მიუნხენში მცხოვრებმა ქართველებმა რუსეთის მიერ საქართველოს ოკუპაცია კიდევ ერთხელ გააპროტესტეს. აქცია სტუდენტების ორგანიზებით ამჯერად სტუდენტა საერთაშორისო დღეს დაიგეგმა. აღსანიშნავია, ის ფაქტი, რომ ქართველებთან ერთად უცხოელმა მეგობარმა სტუდენტებმაც უთხრეს არა, ,,რუსულ ანექსიას‘‘.

საპროტესტო აქციები მიუნხენის პარალელურად გაიმართა ლონდონში, პრაღასა და ბრიუსელში. ამ დღეს სტუდენტები მსოფლიოს მასშტაბით პრობლემატურ საკითხებს აპროტესტებენ.

,,მიუნხენში მცხოვრები ქართველი სტუდენტობისთვის ყველაზე მტკივნეული თემა საქართველოს მცოცავი ანექსიაა. აქციების მიზანია ჩვენს ხელთ არსებული ნებისმიერი მშვიდობიანი საშუალებით მსოფლიოს კიდევ ერთხელ შევახსენოთ რომ საქართველო ოკუპირებულია, რომ რუსეთი კვლავ აგრძელებს თავის იმპერიალისტურ პოლიტიკას, ღიად და პერმანენტულად ხელყოფს საქართველოს სუვერენიტეტს, სასტიკაც არღვევს ადამიანის უფლებებსა და საერთაშორისო სამართლის მოთხოვნებს’‘ - აქციის ერთ-ერთი ორგანიზატორი ირინე ჩიხლაძე.

შეგახსენებთ, რომ მიუნხენში მსგავსი ტიპის აქცია სტუდენტების ორგანიზებით ოქტომბრის თვეშიც გაიმართა. აქციის ორგანიზატორები აცხადებენ, რომ საპროტესტო გამოსვლებმა პერმანენტული ხასიათი მიიღო და ისინი ყოველ სამ თვეში ერთხელ ეტყვიან მიუნჰენიდან არას საქართველოს ოპუპაციას.