იმის მიუხედავად, რომ არჩეული პრეზიდენტის მიერ ფიცის დადებისთანავე წყდება წინა პრეზიდენტის უფლებამოსილება, საქართველოს პრეზიდენტის ოფიციალურ ვებ-გვერდზე ქვეყნის პირველ პირად ისევ მიხეილ სააკაშვილია მითითებული.

ამას გარდა, აღწერა: „საქართველოს პრეზიდენტის მიხეილ სააკაშვილის ოფიციალური გვერდი“, ჯერჯერობით შენარჩუნებულია „ფეისბუქზე“ არსებულ მიხეილ სააკაშვილის გვერდზეც.

ამასთან, „ფეისბუქზე“ გიორგი მარგველაშვილის ოფიციალურ გვერდზე, აღწერაში ჯერ კიდევ გუშინ არსებული წარწერის „პოლიტიკოსი“ ნაცვლად უკვე გაჩნდა წარწერა ინგლისურ ენაზე: „President of Georgia – Giorgi Margvelashvili“.