სვანეთში ჯგუფური ძალადობის შედეგად დაღუპული ლუკა ფალიანის მშობლები დახმარებას ითხოვენ.

მათი თქმით, ისინი ოჯახის სხვა წევრებს და ნათესავებს ვეღარ აკავებენ, რომ მათ სამართალი სისხლის აღებით არ აღასრულონ.

"მთავარობას ვთხოვთ, თუ რამე შეუძლიათ სამართლიანად გაარჩიონ ეს საქმე, რომ კიდე არ განმეორდეს ესეთი მკვლელობა. სადმე რომ შევხვდე იმათ სისხლს დავლევ" - ამბებს ფალიანის ოჯახის წევრი.

ოჯახის წევრები ხელისუფლებას დამნაშავეებზე ხელის დაფარებაში ადანაშაულებენ. ფალიანის დედა ამბობს, რომ მისი შვილის ერთ-ერთი მკვლელი ბექა მუშკუდიანია, რომელიც ამ დრომდე თავისუფალია და მტკიცებულებების მიუხედავად არ დაუკავებიათ.

"რახან ეს გამიკეთა მე ხელისუფლებამ, თუ ჩაერია ამაში ხელისფულება. მე ამათ ვეხვეწებოდი, დედას მინდოდა, მშობლებს გვინდოდა, რომ ესენი ციხეში ყოფილიყვნენ, გარიდებოდნენ, მე ჩემ შვილებს მოვერეოდი მაშინ. ახლა ვერ ვერევი, მეც წარმოიდგინეთ, დედა იმისკენ ვარ, რომ სადაც შემხვდება იქ მოვკლავ, რახან გარეთაა" - ამბობს ფალიანის დედა.

ცნოვისთის, 2018 წლის 11 ივლისს მესტიის ცენტრში მოკლული ლუკა ფალიანის საქმეზე გამოძიება ჯგუფურად განზრახ მკვლელობის მუხლით დაიწყო, თუმცა ამჟამად სასჯელს მხოლოდ ერთი პირი იხდის.