თავის ტვინის მუშაობაში რამდენიმე მედიატორი მონაწილეობს. (მედიატორი-ლათინური სიტყვაა და შუამავალს ნიშნავს).

ერთ-ერთი მათგანი სეროტონინია, რომელიც გავლენას ახდენს ყურადღების, განწყობისა და ემოციების ფორმირებაზე. მას, სიხარულის და ბედნიერების მედიატორს უწოდებენ.

ტვინის ერთ-ერთ სხვა მედიატორს დოფიმინს კი სეროტონინის საწინააღმდეგო გავლენა აქვს, ამიტომ ვარაუდობენ, რომ უმძიმესი დაავადება-შიზოფრენია, რომელიც ღრმა დეპრესიით ხასიათდება, შესაძლოა სეროტონინის ნაკლებობით ან დოფამინის სიჭარბით  იყოს გამოწვეული.

ნარკოტიკული ნივთიერებებიც გავლენას ახდენს ნეირომედიატორებზე. მარიხუანა, სეროტონინის რეცეპტორს უკავშირდება და ადამიანი ეიფორულ მდგომარეობაში გადაყავს.

 ამდროს ადამიანი მხიარულია, კმაყოფილია და აქვს ისეთი გრძნობები რომელიც ობიექტურ რეალობას არ შეესაბამება. ერღვევა კოორდინაცია.

ამ ნარკოტიკის ხშირი გამოყენება: უშვილობას, ტვინის დაზიანებასა და ავთვისებიან სიმსივნეს იწვევს.

კოკაინი დოფამინის მოქმედებას აძლიერებს, ამიტომ ნარკომანს მცირე ხნით ეუფლება ეიფორია შემდეგ კი ღრმა დეპრესიში ვარდება. ბოლოს ეს გრძნობები კი დაღლილობით, გამოფიტვითა და ორგანიზმის განადგურებით სრულდება.

თავის ტვინში აღმოჩენილია მედიატორები, რომლებიც ტკივილის შეგრძნებას გვითრგუნავს, მათ ენდორფინები ეწოდებათ.

ჰეროინი და მორფინი სწორედ ამ ბუნებრივი ნარკოტიკების რეცეპტორებს უკავშირდება, რის შემდეგაც ადამიანი კარგავს ტკივილის შეგრძნებას.

მაგრამ ორგანიზმი წყვეტს თავის ”ტკივილგამაყუჩებლის” გამომუშავებას და ადამიანი დამოკიდებული ხდება ნარკოტიკზე.