ჯანდაცვის მინისტრი ეკატერინე ტიკარაძე ამერიკელი კონგრესმენების წერილს ეხმაურება და ამბობს, რომ წერილში "ივანიშვილი ოლიგარქად მოხსენიებული არ არის":

"ბიძინა ივანიშვილი ნამდვილად არ არის ოლიგარქი. პირიქით, ის საქართველოში დემოკრატიის განვითარების გარანტია. მე დარწმუნებული ვარ, რომ ჩვენი მთავრობა ერთობლივად შევძლებთ და საქართველოში დაიწყება ის დემოკრატიული პროცესები, რომლებიც უკვე 8 წელია მიმდინარეობს. აქედან გამომდინარე, რასაც მე ვიცნობ ამ წერილს, მსგავსი შინაარსი არ დამინახავს, ბიძინა ივანიშვილი ოლიგარქად მოხსენიებული არ არის"- აცხადებს ჯანდაცვის მინისტრი.

ამერიკელმა კონგრესმენებმა სახელმწიფო მდივანს, მაიკ პომპეოს ოფიციალური წერილი გაუგზავნეს, სადაც საუბარია საქართველოში არსებულ დემოკრატიული მმართველობის პრობლემებსა და კორუფციაზე.

"საქართველოში რუსი ოლიგარქის, ივანიშვილის მოსვლის შემდეგ ქვეყანა უკან იხევს. შავი ზღვის პორტთან დაკავშირებული აქტივობები საფრთხეს უქმნის ამერიკის ეროვნულ ინტერესებს" - წერენ კონგრესმენები.