"ევროპული საქართველოს" წევრის, გიორგი კანდელაკი ამბობს, რომ ოპოზიციამ მმართველი პარტია არაერთხელ გააფრთხილა, რომ ქვეყანაში რუსეთის გავლენის ზრდისთვის ხელშეწყობა აშშ-სთან ურთიერთობის გაუარესებას გამოიწვევდა.

"ქართული ოცნების" წევრები, დარწმუნებული ვარ, დღესაც გაგვაკვირვებენ ათასგვარი სისულელის, ლეგენდების და ზღაპრების შეთხზვით, როგორ გაამართლონ ეს მძიმე წერილი, საქართველოსთვის მძიმე სურათი. "ევროპული საქართველო" მათ მთელი ეს პერიოდი აფრთხილებდა, რომ საქართველოში რუსეთის გავლენის ზრდისთვის ხელშეწყობა, რომ დემოკრატიაზე შეტევა, რომ მთლიანად ვითარების გაუარესება, მათ შორის მართლმსაჯულების სფეროში, რაზეც არის კიდეც საუბარი ამ წერილში, ეს ყველაფერი გამოიწვევდა ჩვენს მთავარ სტრატეგიულ პარტნიორთან ურთიერთობების გაუარესებას,"-განაცხადა გიორგი კანდელაკმა.

ამერიკელმა კონგრესმენებმა სახელმწიფო მდივანს, მაიკ პომპეოს ოფიციალური წერილი გაუგზავნეს, სადაც საუბარია საქართველოში არსებულ დემოკრატიული მმართველობის პრობლემებსა და კორუფციაზე.

"საქართველოში რუსი ოლიგარქის, ივანიშვილის მოსვლის შემდეგ ქვეყანა უკან იხევს. შავი ზღვის პორტთან დაკავშირებული აქტივობები საფრთხეს უქმნის ამერიკის ეროვნულ ინტერესებს" - წერენ კონგრესმენები.