თბილისის საქალაქო სასამართლომ გიორგი რურუას თავისუფლების აღკვეთა 4 წლის ვადით მიუსაჯა. „მტავარი არხის“ მეწილის ადვოკატის, დიმიტრი საძაგლიშვილის განცხადებით, ის ამ გადაწყვეტილებას სააპელაციო სასამართლოში გაასაჩივრებს.

„გასაჩივრებას ბუნებრივია ვაპირებთ, არა იმიტომ რომ სააპელაციო სასამართლოს იმედი გვაქვს და გვგონია, რომ იქ დაგვხვდება პოლიტიკური გავლენებისგან თავისუფალი მოსამართლეები, არამედ იმიტომ რომ ჩვენი, ანუ დაცვის მხარის ვალდებულებაა გამოვიყენოთ ყველა შესაძლებლობა. გამოვიყენოთ, მიუხედავად იმისა, თუ რა კატეგორიის, რა პრინციპებისა და რა ღირსების მოსამართლეები დაგხვდებიან სააპელაციო ან უზენაეს სასამართლოებში. მოსალოდნელი იყო ეს გადაწყვეტილება. ალბათ ნახეთ, რომ თავად გიორგი რურუაც ღიმილით შეხვდა ამ გადაწყვეტილებას, იმიტომ რომ ჩვენ წინასწარ ვიცოდით. სიმართლე გითხრათ მე მეგონა 5 წელს მიუსჯიდა მოსამართლე, აღმოჩნდა რომ 4 წელი მიუსაჯა, ამ ნაწილში იყო მოულოდნელი. საქმეში, არცერთ მუხლთან დაკავშირებით, არცერთი მტკიცებულება არ არსებობდა, რომელიც მის დამშანავეობას დაადასტურებდა და პირიქით, უამრავი მტკიცებულება არსებობდა საქმეში, რომელიც ადასტურებდა პოლიციელების და პროკურორების დანაშაულებს, რა კანონიერებაზე ვსაუბრობთ“, - განაცხადა საძაგლიშვილმა.

ადვოკატის განცხადებით, რურუას წინააღმდეგ ეს გადაწყვეტილება გამოტანილ იქნა, იმის გამო, რომ იყო ქართული ოცნების ოპონენტი, იმის გამო, რომ არის მთავარი არხის ერთ-ერთი დამფუძნებელი და ანტისაოკუპაციო აქციების ერთ-ერთი მონაწილე და მხარდამჭერი".