ენმ-ს მაჟორიტარული ოლქების განაწილები ორ ვარიანტს ვთავაზობდით

ენმ-ს მაჟორიტარული ოლქების განაწილები ორ ვარიანტს ვთავაზობდით - გიგა ბოკერია

პოლიტიკა - 16:03, 28 Jul, 2020

1403

ევროპული საქართველოს ლიდერის, გიგა ბოკერიას თქმით, ოპოზიციას ერთიან ნაციონალურ მოძრაობასთან საერთო მაჟორიტარებზე ორი კონკრეტული შეთავაზება ჰქონდა.

"პირველი, ფართო ვარიანტი - 11/8-ზე, ითვალისწინებს იმას, რომ ერთიანი ნაციონალური მოძრაობა საკუთარ კანდიდატს დააყენებდა ყველა დიდ ქალაქში - თელავი, რუსთავი, ზუგდიდი, ქუთაისი, ბათუმი, ახალციხე, ფოთი ან მარტვილი, ბოლნისი, გორი, ქობულეთი, ჭიათურა. ამ ოლქებში ენმ-ის კანდიდატებს თბილისის მაჟორიტარების შეთანხმების მონაწილე ყველა პარტია დაუჭერდა.

ხოლო ნაციონალური მოძრაობა დაუჭერდა დანარჩენი პარტიების მხრიდან შეჯერებულ კანდიდატებს შემდეგ ოლქებში - თერჯოლა, სამტრედია, ხელვაჩაური, ქედა, ფოთი ან მარტვილი, ხაშური, მცხეთა-მთიანეთი, გურია, რაჭა. ანუ 11/8-ზე. ასეთი, ფართო ვარიანტი უფრო უკეთესია, მაგრამ ერთიან ნაციონალურ მოძრაობას მეორე, უფრო ვიწრო შეთანხმებასაც სთავაზობდა.

თუ ეს შეთანხმება ვერ შედგებოდა რომელიმე მოთამაშის ან ენმ-ის პოზიციის გამო, ვთავაზობდით უფრო ვიწრო შეთანხმებასაც ჩვენ შორის. უფრო მარტივს. აქაც, ყველა დიდ ქალაქში ვუთმობდით კანდიდატს - ქუთაისი, თელავი, რუსთავი, გორი, ახალციხე... რვა ოლქს ვუთმობდით ჩვენ და ვითხოვდით მხარდაჭერას მხოლოდ ოთხ ოლქში,ს ადაც ძალიან ძლიერი კანდიდატები გვყავს - ეს არის ზემო აჭარა, ტარიელ ნაკაიძე, გიგი უგულავა მარტვილში ან ფოთში, გიგი წერეთელი თერჯოლა-ზესტაფონში და კაკო ბონოხიძე - ხონში.

უნდა იცოდეს საზოგადოებამ, რომ მხოლოდ სადღეგრძელოს კი არ ვთავაზობთ, კონკრეტული, ძალიან მოქნილი შეთავაზებები გვქონდა" - აღნიშნა გიგა ბოკერიამ.

მისი თქმით, ეს წინადადება რამდენიმე დღე კიდევ ძალაშია.