"ეს იყო მოთხოვნა, რომ საქართველოში თავისუფალი და დემოკრატიული არჩევნები ჩატარდეს"- ასე აფასებს ერთიანი ნაციონალური მოძრაობის წარმომადგენელი თინა ბოკუჩავა მაიკლ პომპეოს განცხადებას.

"ქართველი ხალხის დაკვეთა, ისევე როგორც ჩვენი საერთაშორისო პარტნიორების, მათ შორის ამერიკის შეერთვებული შტატების, არის თავისუფალი და სამართლიანი არჩევნები.

ეს მოთხოვნა გამოხატა სწორედ აშშ-ს საგარეო მდივანმა პომპეომ, სადაც ძალიან მკაფიოდ მოსთხოვა საქართველოს ხელისუფლებას, რომ საპატლამენტო არჩევნები თავისუფალ და დემოკრატიულ გარემოში ჩატარდეს, სადაც ოპოზიცია არ იდევნება.

არჩევნები ყველა შემთხვევაში გამოიწვევს ხელისუფლების ხვლილებას. ივანიშვილს ახლა ეძლევა შანსი რომ ეს ცვლილება მოხდეს მშვიდობიანად"- აცხადებს "ნიუპოსტთან" თინა ბოკუჩავა.