NDI-ის ახალი კვლევის თანახმად, გამოკითხულთა 76 პროცენტი ამბობს, რომ მათთვის მისაღებია გაცხადებული მიზანი, საქართველო გახდეს ევროკავშირის წევრი. 2019 წლის ნოემბერში გამოქვეყნებული NDI-ის კვლევით, ევროკავშირის მხარდაჭერის მაჩვენებელი 82 პროცენტი იყო.

კვლევისას გამოკითხულთა უმრავლესობის, 56 პროცენტის აზრით, ევროატლანტიკური ინტეგრაცია მეტ სარგებელს მოუტანს საქართველოს. ხოლო, მხოლოდ 11 პროცენტი ფიქრობს, რომ საქართველო რუსეთთან უკეთესი ურთიერთობით მიიღებს მეტ სარგებელს.

ფოტო: NDI

ამასთან კვლ;ევის თანახმად, მოსახლეობის 69 პროცენტი უჭერს მხარს ნატოში გაწვრიანებას, ხოლო 11%-სთვის ეს მიუღებელია.

კვლევა 26-30 ივნისის პერიოდში საქართველოს მასშტაბით 1 550 სატელეფონო ინტერვიუს წარმომადგენლობითი შერჩევის საფუძველზე, ქვეყნის სრულწლოვან მოსახლეობას შორის ჩატარდა (ოკუპირებული ტერიტორიების გამოკლებით). კვლევა დიდი ბრიტანეთის მთავრობის UK aid-ის ფინანსური ხელშეწყობით ჩატარდა.