"ზოგიერთი ივანიშვილის სასარგებლოდ, ბრძოლის მიღმა იყენებს თავს" - ბაჩუკი ქარდავას გიორიგი ვაშაძის გასვლა გაერთიანებული ოპოზიციიდან არ გაკვირვებია

პოლიტიკა - 15:33, 27 Jul, 2020

1371

გაერთიანებული ოპოზიციის ერთ-ერთ ლიდერს, ეროვნულ დემოკრატიული პარტიის თავმჯდომარე ბაჩუკი ქარდავას, „ძალა ერთობაშიადან“ გიორგი ვაშაძისა და თაკო ჩარკვიანის გასვლა არ გაკვირვებია.

ქარდავას თქმით, ეს პოლიტიკოსები საერთო ოპოზიციური გადაწტყვეტილებებიდან რამდენიმე თვის წინ დისტანცირდნენ. ამასთან ედპ-ს ლიდერის შეფასებით, ვაშაძე-ჩარკვიანის გადაწყვეტილება ბიძინა ივანიშვილის წისქვილზე ასხამს წყალს:

"სიახლე ამაში არაფერია, იმიტომ, რომ ბოლო პერიოდში, ისინი საერთო ოპოზიციური შეთანხმებების პროცესში დამოუკიდებლად დისტანცირებდნენ ოპოზიციური შეთანხმებებისგან. აშკარად ჩანდა, რომ ისინი დღეს თუ ხვალ მსგავსს გადაწყვეტილებებს მიიღებდნენ. თავის დროზე, როცა "ძალა ერთობაშია" შეიქმნა და დაიწყო საუბარი ოპოზიციურ ერთობაზე, მისი ამოცანა იყო ერთი და ეს მიზანი დღესაც იგივეა - ბიძინა ივანიშვილის და მისი ოლიგარქიული მმართველობის დასრულება საქართველოში. ზოგი ამ ბრძოლის მიღმა იყენებს საკუთარ თავს. ჩემი აზრით კი დაქსაქსულობა და ბიძინა ივანიშვილის სასარგებლოდ მუშაობაა ამ ბრძოლაში გარეთ დადგომა. ხოლო ვინც ერთობაშია ის ადამიანები აგრძელებენ ბრძოლას ბიძინა ივანიშვილის ოლიგარქიული რეჟიმის დასასრულებლად და ეს რეჟიმი აუცილებლად დასრულდება. ერთი და ორი დიდი ან ვიწრო პარტიის ცალკეული გადაწყვეტილებები გავლენას ვერ იქონიებს"- აცხადებს ბაჩუკი ქარდავა.

კითხვაზე "ითხოვდა თუ არა გიორგი ვაშაძე სიაში 10 ადგილს და გახდა თუ არა ეს დაპირისპირების მიზეზი" გაერთიანებული ოპოზიციის ერთ-ერთმა ლიდერმა კონკრეტიკისგან თავი შეიკავა:

"ამ კითხვას ძალიან მოკლედ გავცემ პასუხს - არანაირი თანამდებობბა, პრემიერ-მინისტრის თანამდებობაც კი არ ღირს არაფრად იმ იდეალებთან მიმართებაში, რისთვისაც დღეს ჩვენ ვიბრძვით და ეს არის ქვეყნის საგარეო კურსის დაბრუნება პრორუსულიდან დასავლურ ვექტორზე, ქვეყნის საშინაო პოლიტიოკაში რეფორმების გაძლიერება და გაგრძელება. ეს არის დღევანდელი ხელისუფლებისა და ჩვენი გზაგასაყარი. ამ ადამიანებმა კი სხვაგვარი არჩევანი გააკეთეს და ეს მათი ნებაა.

სიები, პრემიერები და ასე შემდეგ, ეს ყველაფერი წარმავალია და მთავარი მაინც იმ მიზნისთვის ბრძოლაა, რასაც საქართველოს ძლიერება ჰქვია"- დასძინა ქარდავამ.

მისივე თქმით, "ის რომ ვიღაცამ პრემიერობა დამოუკიდებლად გადაწყვიტა როგორც პოლიტიკურად, ასევე მორალურად არასწორი იყო".