"კიდევ ერთი მაღაროელი შეიწირა ამ კორუმპირებული მავნებლების უგულობამ და უყურადღებობამ"

"კიდევ ერთი მაღაროელი შეიწირა ამ კორუმპირებული მავნებლების უგულობამ და უყურადღებობამ" - რა ინფორმაციას ავრცელებს გიორგი კაპანაძე

პოლიტიკა - 14:02, 27 Jul, 2020

882

კიდევ ერთი მაღაროელი შეიწირა ამ კორუმპირებული მავნებლების უგულობამ და უყურადღებობამ, რომლებიც მაღაროელთა ხარჯზე მდიდრდებიან - ინფორმაციას ჟურნალისტი და სამოქალაქო აქტივისტი გიორგი კაპანაძე ავრცელებს.

ჟურნალისტის ინფორმაციით, გარდაცვლილი 57 წლის მერაბ მუმლაძე 18 წელი ჭიათურაში, ითხვისის მაღაროზე მუშაობდა.
"23 ივლისს კი, გვირაბის გამაგრებით სამუშაოებს ასრულებდა, როდესაც სავარაუდოდ, უჰაერობის გამო ცუდად გახდა და მისი გადარჩენა ვერ შეძლეს.
ოჯახი მარჩენალის გარეშე დარჩა.
მანამდე კი, ეს ოჯახი, ჭიათურის მაღაროს მიერ შექმნილი კატასტროფული ეკოლოგიური ვითარების გამო აყარეს და სხვაგან გადაასახლეს.
მივმართავ "ჯორჯიან მანგანეზსს", რომელსაც წლებია უკვე ივანიშვილის კლანი აკონტროლებს: სასწრაფოდ გადაუხადონ ამ ოჯახს კომპენსაცია;
სასწრაფოდ დაიწყონ გამოძიება და გაარკვიონ, იყო თუ არა, შრომითი უსაფრთხოება დარღვეული;
გვითხრან: რატომ არ შეამოწმეს მერაბ მუმლაძის ჯანმრთელობის მდგომარეობა დადგენილი ნორმების შესაბამისად, ვიდრე ის გვირაბში შევიდოდა?
P.S: რაც შეიძლება სწრაფად უნდა დაწესდეს უმკაცრესი რეგულაციები რომ ერთხელ და სამუდამოდ დასრულდეს ეს ტრაგედიები ჭიათურის მაღაროებში - ხვალ-ზეგ მაინც რომ შევძლოთ მაღაროელთა სიცოცხლისა და ჯანმრთელობის დაცვა"- აცხადებს კაპანაძე.