"ჩვენთვის მთავარი დღეს არანაირი თანამდებობები და სიები არაა, ჩვენი ამოცანა ივანიშვილის დამარცხებაა"- სამადაშვილი "ძალა ერთობაშიადან" გიორგი ვაშაძის გასვლას ეხმაურება

პოლიტიკა - 13:40, 27 Jul, 2020

1374

"ვფიქრობ, ყველასთვის, ვინც გადაწყვეტს ამ ერთიანობას გამოეთიშოს, რომელიც ბიძინა ივანიშვილის დასამარცხებლად ძალიან მნიშვნელოვანია, მათთვისაა დანაკარგი" - ასე აფასებს ერთიანი ნაციონალური მოძრაობის წარმომადგენელი სალომე სამადაშვილი გაერთიანება "ძალა ერთობაშიადან" გიორგი ვაშაძის გასვლას.

"უნდა დაფიქრდნენ საკუთარი გადაწყვეტილებით ისინი ეხმარებიან თუ არა იმ მიზნის განხორციელებას, რასაც ივანიშვილის დამარცხება ჰქვია. ჩვენ, ჩვენი მხრიდან, "ერთიანი ნაციონალური მოძრაობა" რჩება იმ ერთიანობაშ, რომელიც ივანიშვილის წინააღმდეგ შეიქმება, ამ ერთიაბობაში ბევრი ახალი მოთამაშე შემოვა - არა მხოლოდ პოლიტიკოსები, არამედ კონკრეტული და ძალიან საინტერესო ადამიანები. ამიტომ ვფიქრობ, ეს იმათი დანაკარგია, ვინც ამ ერთიანობაში მონაწილეობას არ მიიღებს.

ვფიქრობ, მიზეზი უმჯობესია ბატონ ვაშაძეს ჰკითხოთ, ჩვენთვის მთავარი დღეს არანაირი თანამდებობები და სიები არაა, ჩვენი ამოცანა ივანიშვილის დამარცხებაა.

ჩვენი მიზანი ოლიგარქიული რეჟიმის დამარცხება და ქვეყნის დაცვაა. რაც შეეხება ბატონ ვაშაძეს, მის პარტიას საკუთარი დამფინანსებელი ჰყავს და როგორც ჩანს, მას საკუთარი ხედვები აქვს. ჩემთვის რამდენადაც ცნობილია, ბატონი ვაშაძის აქტიური მხარდამჭერი ბატონი ვანო ჩხარტიშვილია და ალბათ მათ საკუთარი მოსაზრებები გააჩნიათ.

შემიძლია გითხრათ, რომ ენმ, ქვეყნის მთავარი ოპოზიციური ძალა, გაერთიანებულია საერთო იდეის გარშემო - ოლიგარქიული რეჟიმის წინააღმდეგ, ამიტომ ყველანაირი დისკუსია იმ ადამიანების მხრიდან, რომელთა განცხადებები თანამდებობების გადანაწილებაზე და სიებზეა, მიგვაჩნია, უადგილოად"- აცხადებს სალომე სამადაშვილი.