"ქართული ოცნების“ „საჩუქრები“ საქართველოს მოსახლეობისთვის გრძელდება

"ქართული ოცნების“ „საჩუქრები“ საქართველოს მოსახლეობისთვის გრძელდება - დავით ჭიჭინაძე

პოლიტიკა - 15:39, 25 Jul, 2020

1857

„ქართული ოცნების“ „საჩუქრები“ საქართველოს მოსახლეობისთვის გრძელდება - აცხადებს პოლიტიკური მოძრაობა „ტრიბუნას“ ლიდერი, დავით ჭიჭინაძე:

"1.რატომ გაცოცხლდა და როგორ აღმოჩნდა კერძო ფინანსური კომპანიების ხელში 2018 წელს ე.წ. განულებული სესხები?!

საუბარია 2018 წელს, საპრეზიდენტო არჩევნების წინა დაპირებაზე, როდესაც „ოცნებას“ მოსახლეობისთვის ვალები უნდა ჩამოეწერა, (დაახლოებით მილიარდნახევარ ლარის სესხი, რომელიც ივანიშვილმა რამდენიმე ათეულ მილიონად შეიძინა) მაგრამ იმ ფინანსურმა კომპანიებმა, რომლებმაც ეს ვალები იყიდეს, დღეს მოსახლეობას ატერორებენ.

ანუ, თუ ამ ვალების ჩამოწერა რეალურად მოხდა, როგორ აღმოჩნდა ეს ვალები ამ ამომღებ კომპანიებთან?!

2. 2020 წლის ივნისის მონაცემებით, ბანკებმა ადამიანებისგან და ეკონომიკიდან დაახლოებით 400 მილიონი ლარი ამოიღეს. აქიდან 127 მილიონი წმინდა მოგებაა.

ანუ, მაშინ, როდესაც ხელისუფლება შემოსავლების გარეშე დარჩენილ ადამიანებს, სესხების კაპიტალიზაციის გარეშე გადავადებას ჰპირდებოდა, სტატისტიკამ აბსოლუტურად სხვა ციფრები გვაჩვენა - ივნისის თვეში ჩვენი მოსახლეობის ჯიბეებიდან, ჩვენი ეკონომიკიდან ამოღებულია დაახლოებით 375, 327 მილიონის ლარის ოდენობის თანხა!

3. რაც შეეხება, იმ სტატისტიკას, რომ გამოკითხული ადამიანების 53% თვლის, რომ არ დაკარგავს სამუშაო ადგილს, თუ შევხედავთ იმ მოცუმულობას რასაც დღეს ბანკები თავისი მოგებებით ახდენენ, ვფიქრობ, რომ არათუ 53% შეინარჩუნებს, კომპანიების დაახლოებით 30% - 35% მაინც თუ შეინარჩუნებს თანამშრომლებს ეს იქნება ძალიან დიდი მიღწევა.

რეალურად, ჩვენ ვხედავთ რომ ნებისმიერი სექტორი დღეს, ეს იქნება ბაზრობები, სასტუმროები, რესტორნები თუ სხვა, პრაქტიკულად მყიდველი ყველგან გამქრალია და ეს მიანიშნებს ზუსტად იმაზე, რომ ფულის აკუმულირება ხდება ისევ და ისევ ძალიან ვიწრო ჯგუფების ხელში!

ფართო მასებს, ხალხს ფული არ აქვს!

აი აქედან გამომდინარე კიდევ ერთხელ დავდექით იმ რეალობის წინაშე, რომ ზოგადად „ქართული ოცნების“ პირობებში, მთელი ეს მანქანა ემსახურება მხოლოდ და მხოლოდ კომერციული ბანკების და ფინანსური ჯგუფების ინტერესებს.“- აცხადებს დავით ჭიჭინაძე.