„საქართველოსთან დაკავშირებით უმძიმესი პრობლემებია, სწორედ ამაზეა საუბარი დოკუმენტში, რომელზეც მუშაობა ამერიკის შეერთებული შტატების სენატსა და კონგრესში მიმდინარეობს“ - ასე აფასებს "ნიუპოსტთან" „ერთიანი ნაციონალური მოძრაობის“ ერთ-ერთი ლიდერი ხატია დეკანოიძე თავდაცვლის ავტორიზაციის კანონპროექტს, რომელზეც ვაშინგტონში მსჯელობენ.

„სამარცხვინოა, როდესაც „ქართული ოცნება“ და ბიძინა ივანიშვილის ვერტიკალი ჩვენი სტრატეგიული პარტნიორების საქართველოსთან დამოკიდებულებას, ოპოზიციის დღის წესრიგიდან აფასებს, რადგან ჩვენ სტრატეგიული პარტნიორების მთავარი, ყველაზე მნიშვენლოვანი გზავნილი საქართველოსადმი ისაა, რომ საქართველოში ივანიშვილის ოლიგარქიული რეჟიმი და მათ შორის რუსული გავლენები საქართველოსთვის და ქვეყნის დემოკრატიისთვის საფრთხეა.

ცვლილებები, რომელზეც მუშაობა ამერიკის შეერთებული შტატების კონგრესსა და სენატში მიმდინარეობს, ძალიან მკვეთრად და ნათლადაა ასახული, რომ საქართველოსთან დაკავშირებით უმძიმესი პრობლემებია. ესაა კორუფცია, კანონის უზენაესობა, მართლმსაჯულება და ასევე ინვესტიციების სახით პრობლემები.“ - აცხადებს დეპუტატი.