ამერიკის ელჩი, საქართველოში, კელი დეგნანი კონგრესის მიერ მიღებულ თავდაცვის ავტორიზაციის აქტს გამოეხმაურა, რა დროსაც განაცხადა, რომ კანონპროექტი თითოეულმა ადრესატმა უნდა გაიაზროს და მათ მიერ სწორად უნდა იქნეს გაგებული და წაკითხული.

"სრულად უნდა წავიკითხოთ ეს კანონპროექტი, იქ არის ძალიან ბევრი პოზიტიური დახასიათება და კომენტარი საქრთველოს მიმართ იმასთან დაკავშირებით, თუ რას მიაღწია ქვეყანამ, კიდევ რა მოლოდინია და რა უნდა გააკეთოს მომავალში უსაფრთხოების და თავდაცვის გასაძლიერებლად. მნიშვნელოვანია, რომ ყუარდღება მივაქციოთ და მნიშვნელოვნად აღვიქვათ ის კომენტარი და მესიჯი, რაც მოდის სენატორი რიშისგან და ნებისმიერი სხვა წარმომადგენლისგან" - აღნიშნა კელი დეგნანმა.