არავის უნდა მივცეთ საშუალება, ბიზნეს გარემო კითხვის ნიშნის ქვეშ დააყენონ

არავის უნდა მივცეთ საშუალება, ბიზნეს გარემო კითხვის ნიშნის ქვეშ დააყენონ - პრემიერი ფრონტერაზე

პოლიტიკა - 13:18, 24 Jul, 2020

1017

საქართველოს პრემიერ-მინისტრი, გიორგი გახარია, კომპანია „ფრონტერას“ წერილს ეხმაურება. ამერიკული კომპანია საქართველოს მთავრობას დეზინფორმაციის გავრცელების შეწყვეტისკენ მოუწოდებს.როგორც გახარია ამბობს, ოპონენტები ცდილობენ, ეს საკითხი "ტარგეტირებული მიზნებისთვის გამოიყენონ"

"ქვეყნის საინვესტიციო კლიმატი, ქვეყნის ბიზნეს გარემო, არის უაღრესად მნიშვნელოვანი და არავის არ უნდა მივცეთ შესაძლებლობა, რომ თუნდაც არასწორი ინფორმაციის გავრცელების საშუალებით, ეს გარემო და ქვეყნის ბიზნეს კლიმატი დააყენონ კითხვის ნიშნის ქვეშ... ქვეყნის საინვესტიციო კლიმატი, ქვეყნის ბიზნეს გარემო არის უაღრესად მნიშვნელოვანი და არავის არ უნდა მივცეთ შესაძლებლობა, რომ თუნდაც არასწორი ინფორმაციის გავრცელების საშუალებით, ეს გარემო და ქვეყნის ბიზნეს კლიმატი დააყენონ კითხვის ნიშნის ქვეშ - ეს ერთი. მეორე - არავის უნდა მივცეთ შესაძლებლობა, სტრატეგიული პარტნიორობა აქაც ტარგეტირებული მიზნისთვის გამოიყენონ და მესამე საკითხი - იქ არიან ქართველი დასაქმებული ადამიანები, რომლებიც ამ კომპანიაში მუშაობენ და რა თქმა უნდა ამ ადამიანების ინტერესიც უნდა იყოს გათვალისწინებული“, - განაცხადა გიორგი გახარიამ.

კომპანია „ფრონტერამ" საქართველოს მთავრობას დეზინფორმაციის კამპანიის შეწყვეტისკენ მოუწოდა.