გიორგი შაქარაშვილის მკვლელობის საქმე - როგორ ვითარდებოდა საბედისწერო ღამეს პროცესები მაგისტრალზე (ახალი ჩვენაბა)

პოლიტიკა - 12:35, 24 Jul, 2020

1661

გიორგი შაქარაშვილის მკვლელობის საქმე - როგორ ვითარდებოდა საბედისწერო ღამეს პროცესები მაგისტრალზე - მედიამ საქმის ფიგურანტის, გიორგი ქათამაძის ჩვენება მოიპოვა.

"როდესაც ვიმალებოდი, ტელეფონზე შემოვიდა უცხო ნომრიდან ზარი, ვუპასუხე მოსაუბრემ აგდებულად მითხრა "აბა ახლა სად იმალებით, სად არიან შენი ძმაკაცები" და თან მაგინებდა უშვერი სიტყვებით. მე გავუთიშე, თუმცა კიდევ მირეკვადა და გავუთიშე კიდევ, შემდეგ კი მივწერე მოკლეტექსტური შეტყობინება, რომ ვიყავი თბილისში, ასე იმიტომ მოვიქეცი, რომ მეგონა მეძებდნენ და ხმაზე სურდათ ჩემი პოვნა.

...ვერცხლისფერი მერსედესიდან 6 პიროვნება გადმოვიდა, ერთ-ერთ ხელში შევნიშნე, რომ ეჭირა რაღაც საგანი.

...ეს საგანი იმ პიროვნებამ მოუქნია კონსტანტინე ღიბრაძეს. დაარტყა თუ არა ეს არ დამინახავს ვინაიდან მაგ დროს მეც მომხვდა თავში სავარაუდოდ ხელკეტი, რადგან მხოლოდ ხელის დარტყმით არ გავითიშებოდი.

... ცოტა გონს, რომ მოვედი რამოდენიმე პირი მირტყამდა თავის არეში.

...(ტოიოტას ეპიზოდი) მე ბუჩქებში დამალვის შემდეგ დავინახე მხოლოდ სამი პიროვნება, რომლებიც მორბოდნენ იმ მიმართულებით რაც მე გამოვიარე, რომლებიც გვიყვიროდნენ და გვაგინებდნენ, მე ვინაიდან სირბილი ვეღარ შევძელი ჩავიმალე გზის სავალი ნაწილის გამყოფ ზოლში არსებულ ბუჩქებში და ჩემი თანმხლები პირები ვინ სად წავიდა არ დამინახავს.

... ვახო ახვლედიანს ვესაუბრე იმ დროს როდესაც ვიყავი დამალული და ახვლედიანი მეუბნებოდა, რომ დამშვიდებულიყავი და ჩვენს წასაყვანად უკვე მოდიოდნენ", - ამბობს გიორგი ქათამაძე ჩვენებაში.

შენიშვნა: გიორგი ქათამაძის ჩვანაბა "კურიერმა" მოიპოვა.