უნდა გადადგეს თუ არა შს მინისტრი ვახტან გომელაური - შესაბამის კითხვაზე პასუხის გაცემა დღეს საქართველოს პრემიერ მინისტრს მედიასთან მოუწია.

გახარიამ გუშინ, გომელაურს გამოძიებას პრობლემებზე მიუთითა.

გიორგი გახარია კამერების წინ ამბობს, რომ გომელაურის გადადგომის მოთხოვნა არასერიოზულია.

"ვიღაც პოლიტიკური მოღვაწეების მოთხოვნის გამო, როგორ წარმოგიდგენიათ, ეს სერიოზულია? - არასერიოზულია!"- თქვა პრემიერმა.

მისი თქმით, შინაგან საქმეთა მინისტრის ამოცანაა გამოძიების ბოლომდე მიყვანა და დასრულება.

„არანაირი კითხვის ნიშნები ამასთან დაკავშირებით არ არსებობს. დარწმუნებული ვარ, ერთი საქმეც და მეორეც სრულფასოვნად იქნება გამოძიებული და ბოლომდე იქნება მიყვანილი. ვიღაც პოლიტიკური მოღვაწეების მოთხოვნის გამო, როგორ წარმოგიდგენიათ, ეს სერიოზულია? - არასერიოზულია!“ - განაცხადა გახარიამ.