“ქართული ოცნების“ ტრადიციული დამფინასებლები კვალვაც ივანიშვილთან დაკავშირებული ბიზნესკომპანიები და მსხვილი ბიზნეჯგუფები არიან.

“თეგეტა მოტროსი“, “ლილო-მოლი“ “სერვის-აგრო“, “პოლიმერი“ - მმართველი პარტიის ყველაზე მსხვილი და ტრადიციული შემომწირველები. რატომ აფინანსებს ბიზნესი ივანიშვილს?

საერთაშორისო გამჭვირვალობა საქართველოს მიერ გავრცელებული ანგარიშის მიხედვით, მმართველი პარტიის შემოწირულობები 2019 წელს 5-ჯერ აღემატება დანარჩენი 18 პარტიის ჯამურ შემოწირულობას.

141 843 663 ლარის სახელმწიფო შესყიდვების კონტრაქტები მიიღეს 2019 წლის 1 იანვრიდან 2020 წლის 1 მაისამდე „ქართული ოცნების” შემომწირველმა 9 კომპანიამ და შემომწირველ ფიზიკურ პირებთან დაკავშირებულმა 15 კომპანიამ:

15 750 924 ლარი გამარტივებული შესყიდვებით

126 092 739 ლარი ტენდერებით

ამ დამფინანსებლებს მმართველი პარტიის ყულაბაში ჯამში 1 745 000 ლარი ჰქონდათ შეტანილი;

ანგარიშში, ნათქვამი, რომ წლების განმავლობაში მმართველი პარტიის დამფინანსებლებს შორის ჩამოყალიბდა რამდენიმე მსხვილი ჯგუფი, რომლებიც თითქმის ყოველ არჩევნებზე „ქართულ ოცნებას” დიდ თანხებს ურიცხავენ. ყველა ამ ბიზნესჯგუფს ერთი საერთო ახასიათებს - მასში შემავალი პირების დიდი ნაწილი ერთსა და იმავე დღეს ან 1-2 დღის შუალედში წირავს მმართველ პარტიას თანხას, რაც ეჭვებს აჩენს:

წინასწარ ხომ არ არის ეს კოლექტიური ქმედება ვინმეს მიერ ორგანიზებული?

სხვა პირების მეშვეობით ხომ არ ხდება შეწირვა?

„ქართული ოცნების” მსხვილ დამფინანსებლებს შორის 2019 წელსაც, ტრადიციულად მოხვდნენ:

ბიძინა ივანიშვილთან დაკავშირებული შემომწირველი ფიზიკური და იურიდიული პირების ჯგუფი;

სახელმწიფო შესყიდვების მსხვილ კონტრაქტორ „თეგეტა მოტორსთან” დაკავშირებული პირები;

„ლილო-მოლთან" დაკავშირებული შემომწირველები;

„სერვის-აგრო"-სთან პირდაპირ ან ირიბად დაკავშირებული შემომწირველები;

„პოლიმერთან” დაკავშირებული პირები.